UYUSHIQ BULAKLAR

UYUSHIQ BULAKLAR – gapda bir xil so’roqqa javob bo’lib, bir xil sintaktik vazifani bajarib, teng bog’lovchilar yoki sanash ohangi bilan bog’langan ran bo’laklari. Bunday bo’laklar gapda birdan ortiq holda qator kelishi mumkin va bu gaplar Uyushiq bulaklarli gaplar hisoblanadi. Masalan, tobora ko’tarilayotgan quyosh o’rik, olma, shaftoli va giloslarning shoxlariga o’zining ertalabki yog’dusini sepmoqda. Bu gapda o’rik, olma, shaftoli va gilos so’zlari uyushib kelgan. Ular bir xil so’roqqa javob bo’lib, bir xil sintaktik vazifani bajarmoqda. Ular o’zaro sanash ohangi va teng bog’lovchi yordamida birikkan. Gapning barcha bo’laklari uyushiq bo’la oladi: uyushiq egalar, uyushiq kesimlar, uyushiq aniqlovchilar, uyushiq to’ldiruvchilar, uyushiq hollar. Uyushiq bulaklar qismlari, odatda, bir xil Grammatik shaklda bo’ladi. Gapning bo’laklari yakka-yakka holda yoki o’ziga bog’liq so’zlar bilan kengaygan holda uyushib kelishi mumkin: Abdulla Qahhorning ijodiy tajribasi kitobxonlar uchun ham, adabiyotshunoslar uchun ham, yosh yozuvchilar uchun ham bebaho bir manbadir (P. Qodirov).