Gerusiya

Gerusiya (yunoncha gerusia, gerontos-oqsoqol so’zidan)-yunon shahar-davlatlarida (asosan, aristokratik tuzumda bo’lganlarida) oliy davlat organi-oqsoqollar kengashi. Muhim davlat ishlarini ko’rib chiqqan, so’ngra Xalq yig’iniga taqdim etilgan. Gerusiya a’zolari-gerontlar soni va mazkur organning siyosiy roli turli polislarda turlicha edi. Ayniqsa, Sparta Gerusiyasi mashhur. U 30 nafar a’zo (28 nafari 60 yoshdan oshgan saylangan vakil va 2 nafar shoh)dan iborat edi. Gerusiya mamlakatda oliy hokimiyat organi hisoblangan.