Obasanjo (Obasanjo) Olusegun

Obasanjo (Obasanjo) Olusegun (1937.5.3, Abeokuta shahri) — Nigeriya davlat arbobi. General. Abeokutadagi baptistlar maktabini tugatgan. Angliya va Hindistondagi harbiy o’quv yurtlarida o’qigan. Nigeriya armiyasida turli lavozimlarda ishlagan. 1975-76 yillarda Nigeriya qurolli kuchlari bosh shtabi boshlig’i. 1976-79 yillarda Nigeriya Federativ Respublikasi va federal harbiy hukumat boshlig’i, Oliy harbiy kengash raisi, qurolli kuchlar bosh qo’mondoni. 1979 yil 1 oktabrda hokimiyatni fuqaro ma’muriyatiga topshirgan va o’z fermasida qishloq xo’jaligi bilan shug’ullangan. Ayni paytda siyosiy faoliyatini ham davom ettirgan: turli xalqaro tashkilotlar ishida faol qatnashgan. Nigeriya hukumati faoliyatini tanqid qilganligi va unga oppozitsiyada bo’lganligi uchun 1995-98 yillarda qamoqda bo’lgan. 1999 yilgi prezident saylovida g’alaba qozongan va shu yildan Nigeriya Federativ Respublikasi Prezidenti.