ANTONOV OLEG KONSTANTINOVICH

ANTONOV OLEG KONSTANTINOVICH (1906.25.1, Moskva viloyati – 1984) — rus aviakonstruktori, akademik (1961) va Ukraina Fanlar Akademiyasi akademigi (1967). Dastlab planyor zavodida bosh konstruktor bo’lib ishlagan, keyinchalik tajriba-konstruktorlik byurosini boshqargan, samolyotsozlik bo’yicha bosh konstruktorlik qilgan. Antonov samolyotlar va planyorlarning 60 dan ortiq turini, shu jumladan porshenli samolyotlar (An-2 va An-14), turbovintli transport samolyotlari (An-8, An-yua, An-12, An-22 — “Antey”, An-124 — “Ruslan” va boshqalar), yerda deyarli yugurmay parvoz qiladigan va qo’na oladigan samolyot An-72 ni yaratgan. Antonov ilmiy-konstruktorlik faoliyatini aviatsiya bo’yicha muhandis kadrlar tayyorlash bilan qo’shib olib borgan.