ARISTOV NIKOLAY ALEKSANDROVICH

ARISTOV NIKOLAY ALEKSANDROVICH (1847 — ?) — sharqshunos olim va etnograf. Ettisuv aloqa boshqarmasi qoshida har xil ma’muriy vazifalarda (1868 — 81) va Yettisuv harbiy gubernatorining yordamchisi lavozimida (1881 — 89) ishlagan. 1883 yildan Rossiya geografiya jamiyatining a’zosi. Aristov asarlarida qozoq va qirg’izlarning urug’-qabilalari hayoti yoritilgan. Ularda o’zbek urug’ va qabilalari haqida ham ma’lumotlar bor. Shuningdek, 19-asr oxiridagi ingliz-afg’on munosabatlari tarixi, Hindiston bilan chegaradosh afg’onlarning siyosiy ahvoli va afg’on xalqining Britaniya mustamlakachilariga qarshi kurashlari ham bayon etilgan.