Ataman

Ataman (qadimgi turkcha deb taxmin qilinadi)-qurollangan kazaklar otryadi boshlig’i. Xalq qo’zg’oloni boshliqlari ham Ataman deb atalgan (S.Razin va boshqalar). Atamanlar kazaklar tarixida katta o’rin tutgan. Dastlab Ataman saylanar va turli vazifani o’tardi. Zaporojye Sechi radasining hukmlarini Atamanlar ijro etgan. Ataman lavozimiga saylash Zaporojye Sechi tarqatib yuborilgunicha (1775) saqlangan. Don kazaklarida qo’shin Atamani, stanitsa Atamani, qarorgoh Atamani, poxod Atamani bo’lgan, 1917 yildan keyin Ataman unvoni bekor qilingan.