Author: Admin

Paratiflit nima degani – ko’richak tashqi pardasining yallig’lanishi; yiringli appenditsit, sil, sifilis, ko’richakning aktinomikozida kuzatiladi. Yon-atrofdagi kletchatkaga ham yiringli o’tadi.

Paratsentez nima degani – nog’ora pardani davolash maqsadida sun’iy ravishda teshish (o’tkir yiringli otit holatida yiringni chiqarib yuborish maqsadida).

Parez nima degani – yengil chala falaj, ixtiyoriy harakatlarning susayishi yoki qisman yo’qolishi. Ma’lum guruh mushaklar innervatsiyasining buzilishi.

Parodont nima degani – o’zaro chambarchas bog’langan to’qimalar kompleksi; tishni o’rab turadi. Milk, periodont, tish ildizi ustidagi sement, alveolyar suyak to’qima.

Parkinsonizm nima degani – markaziy nerv sistemasining surunkali avj oluvchi kasalligi, harakatlantiruvchi funksiyalar buzilishi bilan o’tadi. Gipokineziya, ayrim mushaklar qotib qolishi, titroq.

Paresteziya nima degani – tashqi ta’sirsiz yoki ayrim mexanik sabablar (nerv tolasi, qon tomirning ezilishi) ta’sirida terining uvishishi, xuddi chumoli yurgandek, igna sanchilgandek, kuygandek his qilish sezgisi.

Patognomonichniy nima degani – biror kasallikning o’ziga xos tavsifli belgisi. Masalan, gemoglobin va eritrotsit miqdorining kamayishi anemiya uchun patognomonik belgidir va hokazo.

Patokinez nima degani – yuzaga kelgan patologik jarayonning klinik formasi va anatomik turning bosqichma-bosqich rivojlanish jarayoni; atama I.V.Davidovskiy tomonidan kiritilgan.

Patsiyent, mijoz nima degani – kasallik, patologik holat yoki sog’ligidagi boshqa bir buzilish sababli hamda hastaligi bor yoki yo’qligidan qat’iy nazar tibbiy yordam oluvchi inson.

Pediatr, bolalar shifokori nima degani – bolalar salomatligini muhofaza qilish, tashxis qo’yish, profilaktika va kasalliklarini davolash bo’yicha mutaxassis.