AXMETOV ILGIZAR ZALYALOVICH

AXMETOV ILGIZAR ZALYALOVICH (1929.1.1, Tatariston Respublikasi Kukmora tumani Oluyaz qishlog’i) — biolog, O’zbekiston Respublikasi fan arbobi (1999), biol. fanlari Doktori (1985), professor (1990). O’zDUni bitirgan (1956). O’zbekiston Fanlar Akademiyasi qishloq xo’jaligi (1956-58), O’zbekiston chorvachilik (1958-67), O’zbekiston Fanlar Akademiyasi Zoologiya va parazitologiya ilmiy tadqiqot institutlarida ilmiy xodim (1956-87), Guliston davlat universiteti umumiy biologiya kafedrasi mudiri (1987-99), 1999 yildan kafedra professor. Oldin qoramollar fiziologiyasi va biokimyoviy xususiyatlarini o’rganish asosida ular mahsuldorligini oshirish, keyinchalik O’rta Osiyo yovvoyi kemiruvchi hayvonlarining ekologik, fiziologik, morfologik xususiyatlari ustida tadqiqot ishlari olib borgan.