A’ZAMOV GEORGIY TOJIYEVICH

A’ZAMOV GEORGIY TOJIYEVICH (1954.6.9, Olmaliq shahri- 1986.27.8, Sevastopol shahri yaqinida) — shaxmatchi. Birinchi o’zbek xalqaro grossmeysteri (1984). Sobiq Ittifoq chempionatlari ishtirokchisi (1981, 1983, 1985), ikki karra O’zbekiston chempioni (1976, 1982), O’zbekistonda xizmat ko’rsatgan fizkultura va sport xodimi (1984). Jahon birinchiligi mintaqaviy turniri (Yerevan, 1982) da 7-8-o’rinlarni egallagan. Ko’plab nufuzli xalqaro turnirlarda ishtirok etgan. O’zbekistonda A’zamov xotirasiga bag’ishlab an’anaviy turnir o’tkazib turiladi. Ad.: Muhiddinov M., A’zamovlar sulolasi, T., 1984.