Category: A harfiga oid pedagogikaga oid ensiklopedik atamalar

Andisha-odamlar orasidagi hurmat va ehtiyotkorlik hissi.

Anatomiya o’quv predmeti (yunoncha kesaman yoraman)-ayrim a’zolar, sistemalar va butun organizmning shakli va tuzilishi o’rganiladigan o’quv predmeti.

Analitik metod-tahlil qilishga yo’naltirilgan ta’lim metodi.

Analiz metodi – 1) pedagogik tadqiqot metodi bo’lib, unda tekshirish ob’yekti fikran tarkibiy elementlarga ajratib tadqiq qilinadi; 2) o’quv vaziyatini har tomonlama tahlil qilish, chuqur tekshirish, o’rganish.

“Amriqo” (butun so’zlar) usuli-1) 20-yillardan boshlab O’zbekiston maktablarida jahon tajribasidan o’rganib qo’llanilgan usul. 2) Amerika maktablari tajribasida qo’llanilgani kabi o’quvchilar yaxshi biladigan hayvon va parrandalarning rasmini ko’rsatib, ularning rasm ostidagi … Batafsil

Albom-rasm chiziladigan qalin qog’ozli daftar, o’quv quroli.

Amaliy mashg’ulotlar-maxsus jihozlangan xona yoki alohida ajratilgan tajriba maydonida tashkil etilib, tahsil oluvchilarda ular tomonidan o’zlashtirilgan nazariy bilimlarni amaliyotda qo’llay olish ko’nikma va malakalarini hosil qilishga yo’naltirilgan ta’lim shakli.

Alturizm-insonning boshqa kishilarga o’z manfaatini ko’zlamagan holda yordam ko’rsatishga qaratilgan xarakter xususiyati.

Alternativ-muqobil, muqobil o’quv materiali.

Alfavit-til, muayyan yozuvning ma’lum tartibda joylashgan harflari majmui. O’zbek alfaviti. Alfavit tartibi. Alfavit ko’rsatkichi.