Category: E harfiga oid pedagogikaga oid ensiklopedik atamalar

Efebiya-Qadimgi Gretsiyada eramizdan avvalgi V-asrning 2-yarmida qaror topgan 18 yoshdan 20 yoshgacha bo’lgan yigitlarni harbiy va fuqarolik xizmatiga tayyorlashga qaratilgan davlat harbiy-jismoniy tarbiya tizimi.

Ehtiyoj-shaxsning me’yoriy hayotiy faoliyat yuritishi uchun, tegishli talabalarning qondirilmaganligi tufayli, mazkur salbiy hissiyotni bartaraf etishga yo’naltirilgan ruhiy pedagogik holati.

E’tiqod-inson ruhiyatining qandaydir ma’lumot, matn, hodisa, voqea yoki shaxsiy tasavvur va aqliy xulosalar to’liq va e’tirozsiz qabul qilinadigan alohida holati.

Etika (yunoncha ethoss-xulq, odat) – o’quv fani axloq va uning shaxs hamda jamiyat hayotidagi o’rnini o’rganuvchi falsafiy fan.

Etnopedagogika-xalq milliy an’ana, ijtimoiy tajriba, ma’naviy-ma’rifiy, madaniy-etnik qadriyatlarinign psixologik-pedagogik asoslarini aniqlash va amaliyotga tadbiq etishga qaratilgan pedagogika fani tarmog’i.

Estetik tarbiya-yoshlarda borliq va san’atdagi go’zallikni to’g’ri tushunish va qabul qilish ko’nikmalarini shakllantirish, ularda estetik hissiyot, did va qarashlarni tarkib toptirish, tarbiyalanuvchilarning go’zallik yaratishda ishtirok etish ehtiyoji va layoqatlarini rivojlantirish … Read More

Estetik ta’lim-tarbiya – san’at va voqelikdagi go’zallikni to’la idrok etish va to’g’ri tushunish qobiliyatini shakllantirish maqsadida ta’lim-tarbiya berish mazmuni, shakllari, vositalari, usul va metodlarini o’rganuvchi pedagogika fanining alohida tarmog’i.

Estetika (yunoncha aisthetikos-his qiluvchi, hissiy tarbiyaga doir)-o’quv predmeti, inson bilan dunyo o’rtasidagi qadriyat munosabatining o’ziga xos tomonlarini va kishilarning badiiy faoliyati sohasini o’rganuvchi falsafiy fan.

Eski maktab-og’zaki tarzda haftiyakni o’rganish va diniy ta’lim-tarbiya berishga ixtisoslik maktab.

Eruditsiya-(lotincha eridito-o’qimishlilik, bilish) har tomonlama chuqur bilimdonlik, aql-zakovat; 2) barcha ijodiy, aqliy sifatlarga ega bo’lish, o’qimishlilik, fannin muayyan sohasini chuqur bilishdan iborat imkoniyat.