Category: F harfiga oid pedagogikaga oid ensiklopedik atamalar

Frantsuz tili o’qitish metodikasi-1) frantsuz tili ta’limi nazariyasi hamda metodikasi bo’yicha talablarga muayyan bilim, ko’nikma, malakalar hosil qilishga yo’naltirilgan o’quv fani; 2) frantsuz tili o’qitish metodikasi xususiy pedagogikaning alohida tarmog’i.

Frantsuz tili xonasi-frantsuz tili fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Frantsuz tili Davlat ta’lim standarti-frantsuz tili ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Forum-yig’in o’tkaziladigan joy.

Formal o’qitish-fan asoslarini o’zlashtirishga ikkinchi darajali vazifa sifatida qarab, maktabning vazifasi o’quvchilarning aqliy qobiliyatlarini o’stirishdan iborat deb biluvchi pedagogik yo’nalish.

Flanelegraflar-magnitli taxta, ta’limning didaktik vositalaridan biri.

Filmoskop-ta’lim jarayonida o’qituvchi tomonidan qo’llaniladigan ta’lim vositasi.

Filantropizm-XVIII asr oxirida Germaniyada Jan Jak Russo g’oyalari asosida jamiyatga foyda keltiruvchi fuqaroni tarbiyalash va ta’limni tubdan isloh etishni targ’ib qilgan pedagogik oqim.

Fikrlash-muayyan voqea-hodisa haqida ma’lum bir xulosaga kelish uchun mulohaza yuritish, o’ylash.

“Fikrlarning shiddatli hujumi” metodi-o’qitishning interfaol usullaridan biri.