Category: F harfiga oid pedagogikaga oid ensiklopedik atamalar

Fikr-tushuncha, bilim, ong, aql, maslak.

Fizika o’quv predmeti-o’quvchilarga materiya harakati va o’ziga xos xususiyatlari haqida ilmiy bilim asoslarini o’rgatishga qaratilgan o’quv predmeti.

Fizika o’qitish metodikasi-1) fizika ta’limi nazariyasi hamda metodikasi bo’yicha talablarda muayyan bilim, ko’nikma, malakalar hosil qilishga yo’naltirilgan o’quv fani; 2) fizika o’qitish metodikasi xususiy pedagogikaning alohida tarmog’i.

Fizika xonasi-fizika fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

“Fizika, matematika va informatika” jurnali-umumta’lim maktablarida fizika, matematika va informatika fanlarini o’qitishga oid o’qituvchi va o’quvchilarga mo’ljallangan turkum ilmiy-ommabop, usulubiy maqolalar, ilg’or ish tajribalarini ommalashtirishga yo’naltirilgan maxsus jurnal.

Fizika Davlat ta’lim standarti-fizika ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Fizik domino-115 tadan 300 tagacha har biri 2 qismli kartochka (varaqcha)dan iborat bo’lib, bir qismida muayyan topshiriq, ikkinchi qismida boshqa topshiriqning javobi keltirilgan ko’rgazmali o’quv materiali.

Ferrara maktabi-Uyg’onish davri Italiya rassomligi maktabi. A.Mantenyee, Pyero dela Francheska, qisman Niderland rangtasviri ta’sirida Ferrara shahrida shakllangan, eng taraqqiy etgan davri XV asrning ikkinchi yarmiga to’g’ri keladi.

Fenomenal xotira-idrok qilingan narsa va xususiyatlarni, ularning bog’lanishi munosabatlarini favqulodda tez hamda aniq esda qoldirish va esga tushurishdan iborat nodir qobiliyat.

Fasiliteytor-o’qitish metodlari bo’yicha maslahatchi.