Category: I harfiga oid iqtisodiy ensiklopedik atamalar

ISH HAQI – joriy davrda ish beruvchi tomonidan yollangan xodimga bajargan ishlari uchun berilgan pul yoki natura usulidagi to’lovlar bo’lib, ular hisoblangan summalar yig’indisidan tashkil topadi va ikki qismga bo’linadi: … Batafsil

ISH HAQI MINIMUMI – ish haqining eng kam stavkasi, uni tadbirkor qonuniy asosda xodimga ish vaqti birligiga to’laydi. Ish haqi minimumi davlat tomonidan belgilanadi, tadbirkorlar esa undan kam ish haqi … Batafsil

ISH BILAN BAND BO’LGAN JAMI AHOLI – ishchi kuchi (iqtisodiy faol aholi)ning ijtimoiy ishlab chiqarishda band bo’lgan qismi.

ISH BERUVCHI – yuridik shaxs hisoblanmish biron-bir tashkilot, uning rahbari yuridik shaxsning vakili sifatida ish yuritadi yoxud yollanma ishchi bilan mehnat shartnomasini tuzgan jismoniy shaxs.

ISH – tabiat va inson tomonidan birlashgan kuchlarning obyektiv natijasidir.

IQTISODIY NOCHOR KORXONA – kreditorlarning tovar (ish, xizmat) lar haqini to’ lash bo’yicha talablarini qondirish, shuningdek, budjet va nobudjet fondlariga majburiy to’lovlarni ta’minlashga layoqatsiz bo’lgan korxona.

IQTISODIY O’SISH – real yalpi ichki mahsulot umumiy hajmining yoki aholi jon boshiga to’g’ri keladigan real yalpi ichki mahsulotning oldingi yilga nisbatan o’sishi.

IQTISODIY ISLOHOTLAR – iqtisodiyotning tarkibiy tuzilishini sifat jihatidan takomillashtirish, uning barqaror va mutanosib rivojlanishini ta’minlash imkonini beruvchi, maqsadga muvofiq holda va izchil ravishda amalga oshiriluvchi tub o’zgarishlar, chora-tadbirlar majmuyi.

IQTISODIYOTNING TARKIBIY TUZILISHI – iqtisodiyotning turli qism va bo’laklari o’rtasidagi proporsiyalar va o’zaro nisbatlar.

IQTISODIYOTNING REAL SEKTORI – iqtisodiyotning bevosita moddiy ne’matlar ishlab chiqarish va xizmatlar ko’rsatish bilan bog’liq sohasi bo’lib, u sanoat, qishloq xo’jaligi, qurilish, transport, aloqa tarmoqlarini o’z ichiga oladi.