Category: J harfiga oid pedagogikaga oid ensiklopedik atamalar

Jahon tarixi Davlat ta’lim standarti – jahon tarixi ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Jarayon-muayyan natijaga erishish uchun amalga oshiriladigan o’quv – harakatlar majmui.

Jamoaviylik-jamoa bilan birdamlik, o’zini jamoaning bir bo’lagi deb his qilish tuyg’usi.

Jamoa monografiya-yagona muammoni yoritishga bag’ishlab bir necha shaxs tomonidan yozilgan ilmiy asar.

Jamoa-1) yagona jamiyat va kishilar uchun foydali maqsad, faoliyatga ko’ra birlashgan, jamiyat va kishilar manfaatini ko’zlaydigan kishilarning tashkiliy guruhi; 2) kishilarning qadimiy uyushuv shakli.

Jazo-o’quvchi shaxsiga ta’sir ko’rsatish usuli.

Jadidchilik-XIX asr oxiri – XX asr boshida Turkiston, Kavkz, Qrim, Tatariston hayotida muhim ahamiyat kasb etgan ijtimoiy-siyosiy, ma’rifiy harakat.

Jadval-ma’lum izchillikda ustunlar, kataklar, satrlar tarzida ko’rsatilgan ma’lumotlar yig’indisi.

Javonmardlik-o’z dastur va qoidalariga ega bo’lgan, borini o’zgalar bilan baham ko’rish, muhtojlarga yordam berish, piru ustoz, do’st-birodarlar nomusi, sharafini himoya etish kabilarga qaratilgan ma’naviy-tarbiyaviy harakat.