Category: K harfiga oid qurilish atamalari

Kurash – salbiy omillar va hodisalarni bartaraf etish yoki kamaytirish choralari (harakatlari). Masalan: sizot suvlarga qarshi kurash, changga qarshi kurash, shovqinga qarshi kurash va hokazolar.

Kurzal – oromgohda konsert, majlislar va boshqalar o’tkazish uchun xona.

Kurra – yumaloq, to’garak, shar shakli.

Kurakcha – yon qirralari yuqoriga egilgan kurak.

Kurakli (konveyer) – bir yoki bir nechta tortish zanjirlariga o’rnatilgan va quyma yuk qatlamiga botiriladigan qirg’ichlar yordamida harakatsiz tarnov-reshtak bo’ylab quyma yuklarning harakatlanishi amalga oshiriladigan uzluksiz harakatdagi tashish moslamasi.

Kurakda aralashtirmoq (kurakda aralashtirish) – belkurak bilan aylantirish yoki bir joydan ikkinchi joyga o’tkazish. Masalan: qorishmani kurakda aralashtirish.

Kurak (kurakcha) – qurilishda yerni kavlash va boshqa maqsadlarda (ortish, tushirish) ishlatiladigan qo’l asbobi. Masalan: g’isht teruvchi kurakchasi, yo’naltiruvchi kurakcha va hokazolar.

Kura (otashdon) – ma’dan eritiladigan maxsus o’choq.

Kurvi chuvach – odatda mato bilan qoplangan katta chodir.

Kurak (belkurak) – qum, qor kabi mayda narsalarni sidirish, yig’ish, surish uchun ishlatiladigan uzun sopli asbob. Asosiy qismi temir, yog’ochdan yasaladi.