Category: M harfiga oid iqtisodiy ensiklopedik atamalar

MINIMAL NARX – aniq tovar narxining eng quyi chegarasi.

MILLIYLASHTIRISH – xususiy shaxslar mulklarining tegishli davlat organining maxsus aktiga ko’ra davlat ixtiyoriga o’tkazilishi.

MILLIY XUSUSIY NOMOLIYAVIY KORPORATSIYALAR – bunday korporatsiyalar tarkibiga tegishli davlat idoralari tomonidan nazorat ostiga olinmaydigan rezidentlik barcha nomoliyaviy va kvazikorporatsiyalar kiradi.

MILLIY XO’JALIKKA (IQTISODIYOTGA) QILINADIGAN XARAJATLAR – katta masshtablarda yangi sanoat korxonalarini qurish, zamonaviy industrial asosda qishloq xo’jaligi ishlab chiqarishini rivojlantirish, transport, aloqa va iqtisodiyot boshqa tarmoqlarining texnikaviy qayta qurollanishini ta’minlashga … Batafsil

MILLIY VALYUTANING QIMMATLASHISHI – xorijiy valyutalarni sotib olishga oldingiga nisbatan kamroq milliy valyuta birliklari zarur bo’lishini anglatadi.

MILLIY VALYUTANING QADRSIZLANISHI – xorijiy valyutalami sotib olishga oldingiga nisbatan ko’proq milliy valyuta birliklari zarurligini bildiradi.

MOLIYAVIY DERIVATLAR – bozor narxiga ega bo’Igan pulli dastak bo’lib, uning sohibiga birlamchi qimmatbaho qog’ozlarni sotish yoki sotib olish huquqini beradi. Bularga opsionlar, fyucherslar, varrantlar, svoplar kiradi.

MOLIYAVIY FAOLIYATDAN OLINGAN DAROMADLAR – deganda qimmatli qog’ozlar, valyuta operatsiyalari, kredit va qarzlarni berishdan olingan daromadlar tushuniladi. Bularga royalti, dividendlar va foizlar, ijobiy kurs farqlari ko’rinishidagi daromadlar va boshqalar kiradi.

MOLIYAVIY INSTITUTLAR – investorlar bilan omonatchilar o’rtasida faoliyatning o’zlari mashg’ul bo’lgan turidan foyda oluvchi vositachilik faoliyati bilan shug’ullanadigan shaxslardir. Banklar, pensiya va investitsiya fondlari, sug’urta kompaniyalari, tovar, xomashyo va fond … Batafsil

MOLIYAVIY TRANZAKSIYA – mablag’lar ning elektron ko’rinishdagi harakati tushuniladi.