Category: M harfiga oid pedagogikaga oid ensiklopedik atamalar

Musiqa o’qitish metodikasi-1) musiqa ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga yo’naltirilgan o’quv fani; 2) musiqa o’qitish metodikasi xususiy pedagogikaning alohida tarmog’i.

Musiqa xonasi-musiqa fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Musiqiy savodxonlik-musiqaga oid bilim, ko’nikma va malakaga ega bo’lish.

Musiqiy tarbiya-o’quvchilarda musiqiy layoqat va ko’nikmalar, musiqaga mehr-muhabbat, raqs va qo’shiqlarni ifodali ijro etish mahoratini tarkib toptirishga yo’naltirilgan pedagogik jarayon.

Musiqa maktabi-musiqiy iqtidorga ega bo’lgan o’quvchilarda teran musiqiy bilim, ko’nikma va malakalar hosil qiladigan XTV tizimiga qarashli o’quv muassasasi.

Musiqa Davlat ta’lim standarti-musiqa ta’limi mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Murabbiy-o’quvchi yoshlar va talabalarga axloq-odob, kasb-hunar, ilm-fan sohalarini o’rgatuvchi san’at. Sport mashg’ulotlariga rahbarlik qiluvchi shaxs.

Munozara darsi-o’zaro fikrlar tortishuviga asoslangan o’quv jarayoni.

Munozara-o’quvchilar, talabalar va o’qituvchilar orasidagi o’zaro fikrlar tortishuvi.

Mumtoz ta’lim-uyg’onish davrida antik madaniyatga qiziqishning kuchayishi nattijasida tarkib topgan, Yevropada qadimiy grek hamda lotin tili va madaniyatini o’rganishga qaratilgan umumiy o’rta ta’limning asosiy yo’nalishlaridan biri.