Category: M harfiga oid pedagogikaga oid ensiklopedik atamalar

Mehnat Davlat ta’lim standarti-mehnat ta’limi mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Mehnat o’qitish metodikasi-1) mehnat ta’limi nazariyasi hamda metodikasi bo’yicha talabalarda muayyan bilim, ko’nikma, malakalar hosil qilishga yo’naltirilgan o’quv fani; 2) mehnat o’qitish metodikasi xususiy pedagogikaning alohida tarmog’i.

Mehnat ta’limi instruktaji (yo’riqnomasi; ko’rsatma, yo’l-yo’riq, yo’riqnoma) – o’quvchining amaliy mashg’ulot o’tash davrida rioya qilishi zarur bo’lgan ko’rsatmalariga o’qituvchi tomonidan beriladigan izoh.

Mehnat tarbiyasi-o’quvchi va talabalarda umummehnat va kasb ko’nikmalarini hosil qilish, muayyan kasbga yo’llashning mazmuni, shakllari, usul va vositalarini o’zida mujassamlashtirgan pedagogika fanining alohida tarmog’i.

Mehnat ta’limi-politexnik va mehnat ta’lim-tarbiyasining yosh avlodda mehnatga, ijtimoiy hayotning ma’lum bir sohasiga doir bilim, ko’nikma, malaka hamda odatlarni tarkib toptirish va rivojlantirishga yo’naltirilgan turi.

Mehnat maktabi-o’quvchilarni mehnat faoliyatiga yo’naltirish va ta’limni ishlab chiqarish mehnat bilan birlashtirishga oid pedagogik g’oya.

Metodologiya-tadqiqotchining nazariy-amaliy pedagogik faoliyatini tashkil etish tamoyillari, u amal qiladigan me’yoriy-huquqiy, nazariy-falsafiy yondashuvlar, qonuniyatlar, qarashlar yig’indisi.

Metodologik yondashuv-metodologik yondashuv pedagogik jarayon va unda qatnashuvchilar faoliyatini tashkil etishning yetakchi tamoyillardan biri.

Metodik qo’llanma-o’qituvchilarga mo’ljallangan maxsus kitob.

Metodist-muayyan o’quv predmetini o’qitish metodikasi bo’yicha mutaxassis.