Category: N harfiga oid biologiyaga oid ensiklopedik atamalar

Nog’ora parda – umurtqali hayvonlar qulog’idagi tashqi eshitish yo’lini nog’ora bo’shlig’idan ajratib turadigan parda.

Nog’ora bo’shlig’i – umurtqali hayvonlar уа odamning o’rta quloq bo’shlig’i.

Nitrofillar – Azot sevuvchilar – azot ko’p bo’lgan tuproqlarda o’suvchi o’simliklar.

Nitrifikatsiya – nitrifikatsiya bakteriyalari yordamida azotning qaytarilgan birikmalarining (ammiak) oksidlangan shakllarga aylantirilishi (nitrat). Nitrifikatsiya tuproq unumdorligini oshirishda katta ahamiyatga ega.

Nitragin – dukkakli ekinlarning hosilini oshirish uchun ishlatiladigan bakterial o’g’it. Nitragin ekin turiga qarab tayyorlanadi.

Ninachilar, so’zanaklar – hasharotlar turkumi. Katta boshining ko’p qismini yirik ko’z egallagan. Ikki juft uzun to’rsimon qanotlari bог. Lichinkalari suvda yashaydi.

Nimfa – g’umbak bosqichiga ega bo’lmagan ba’zi umurtqasiz hayvonlarning balog’atga yetmagan (tuxumdan chiqqan) davri.

Nikotin – tamaki barglarida uchraydigan alkaloid. Asab tizimiga ta’sir qiluvchi kuchli zahar.

Niasin – nikotin kislotasining amidi, RR vitamini. Nikotinamidli fermentlarning kofermenti. Bu vitaminning yetishmasligi pellagra kasalligini рауdo qiladi.

Noosfera, idrok doirasi – biosfera rivojlanishining eng yuqori pog’onasi. Bunda odam aqliy faoliyati biosfera rivojlanishining asosiy оmili bo’lib qoladi. V.L. Vernadskiy atamasi.