Category: N harfiga oid iqtisodiy ensiklopedik atamalar

NATURA SHAKLIDAGI BOSHQA IJTIMOIY TA’MINOT NAFAQALARI – nafaqalar natura shaklidagi ijtimoiy transfertlarni o’z ichiga oladi. Ijtimoiy ta’minot jamg’armalari tomonidan uy xo’jaliklariga to’lov sifatida berilgan nafaqalar bundan mustasnodir.

NATURA SHAKLIDAGI ASOSIY TRANSFERT – agar transfertda mulk aktiv uchun berilsa, natura shaklidagi asosiy transfert ro’y bergan bo’ladi. Bundan moddiy aylanma vositalar zaxirasi mustasnodir.

NATURA O’LCHOVI – hisobga olinayotgan narsaning harakatini, masalan, material, mahsulot va boshqalami natura holida ifodalash uchun xizmat qiladi. Turli xil xo’jalik mablag’larini qo’shishda natura o’lchovidan foydalanilmaydi.

NARXSIZ RAQOBATLASHUV – raqobat kurashining bir turi, u tovarlarning texnik tasnifi va uning xossalarini (sifatini oshirish, qo’shimcha xizmatlarni taklif etish, dizayn va h.k.) o’zgartirish orqali amalga oshiriladi, shuningdek, unda reklama … Read More

NARXSIZ RAQOBAT – narxga tegmay raqobatlashuv (mahsulot sifati, o’rami, savdo xizmati, rag’batlantirishni oshirish, yuqori texnologiyani o’zlashtirish, savdo taqsimoti va siljitishni yaxshilash va boshqalar).

NARXNING QAYD QILINISHI – raqib korxonalarining o’zaro kelishib, o‘xshash tovarlarga bir xil narx belgilashi.

NARXNI O’ZGARTIRMAY RAQOBATLASHUV – o’z tovarlarini sotish shart-sharoitini xaridor uchun qulaylashtirib, raqibni bozordan surib chiqarish.

NARX-NAVO – tovarlar narxlari, xizmatlar tariflari, to’lovlar, kreditlar, sug’urta foizlari (stavkalari) va narxningboshqa ko’rinishlari hamda ularning harakati.

NARXNI O’ZGARTIRMAY RAQOBATLASHUV – bozordagi raqobat usuli, o’z tovarlarini sotish shart-sharoitini xaridor uchun qulaylashtirib, raqibni bozordan siqib chiqarish.

NARXLAR KORREKTIROVKASI – bozor vaziyati o’zgarishiga narxlarning moslashuv jarayoni.