Category: P harfiga oid pedagogikaga oid ensiklopedik atamalar

Pedagogik tasnif-pedagogik hodisalarni muayyan muhim belgilariga ko’ra guruhlarga ajratib tasniflash.

Pedagogik takt-har qanday pedagogik ta’sirga nisbatan qo’llaniladigan chora-tadbirlarni (rag’batlantirish, jazolash, pand-nasihat) his eta bilish.

Pedagogik taksonomiya (grekcha “taxis” – tartib bilan joylashtirish va “nomos” – qonun) – o’quv maqsadlarinign tasniflanishi, o’quv fani bo’yicha xususiy maqsadlarning aniq belgilanishi.

Pedagogik tajriba-o’qituvchining ta’lim-tarbiyani tashkil etish va amalga oshirish mahorati.

Pedagogik tadqiqot-pedagogika sohasida amalga oshiriladigan ilmiy izlanish.

Pedagogik tadbir-o’quvchi, talaba va o’qituvchilarning bir vaqtda ma’lum maqqsadlarda uyushtirilgan birgalikdagi faoliyati.

Pedagogik strategiya-ta’lim-tarbiya va pedagogika fanida aniq belgilangan maqsadlarga erishishga yo’naltirilgan asosiy harakatlarning uzoq muddatli dasturi.

Pedagogik tavsifnoma-o’quvchining axloqi va alohida mashg’ulot turlari bo’yicha o’zlashtirilishi, sinfdan tashqari hamda jamoat ishlaridagi faoliyati, aqliy, jismoniy rivojlanishi, intizomi hamda axloqiy xususiyatlari bayon etilgan hujjat.

Pedagogik psixologiya-yoshlarga uzluksiz ta’lim-tarbiya berishning psixologik muammolarini o’rganuvchi alohida soha.

Pedagogik statistika-maktab va xalq ta’limi tashkilotlari faoliyatining miqdoriy jihatlarini o’rganishga qaratilgan ijtimoiy statistika tarmog’i.