Category: Q harfiga oid biologiyaga oid ensiklopedik atamalar

Qushlar bozori – qushlarning ommaviy uyalash joylari. Bunday hodisani ko’pincha dengiz bo’yi qoyalarida (ayniqsa shimoliy rayonlarda) kuzatish mumkin.

Qushlar – umurtqali hayvonlar sinfi. Bular yuksak rivojlangan asab tizimi, qanotlar, to’rt kamerali yurakka ega. Tanasining harorati doimiy.

Qurt – ko’pchilik hasharotlar, asosan, kapalaklar rivojlanishining lichinkali bosqichi.

Qurg’oqchilikka chidamlik – o’simliklarning suvsizlikka va issiqlikka uzoq vaqt chiday olish xususiyati. Bunda o’simlik hujayralarida kechadigan hayotiy jarayonlar va hosildorlik deyarli o’zgarmaydi.

Qoyachiguldoshlar – ikki pallali o’simliklar oilasi.

Qovoqcha – oshqovoqlarning mеvasi, yosh tuguncha holida ovqatga ishlatiladigan bir turi.

Qorinparda – odam va hayvonlar qorin bo’shlig’idagi barcha a’zolarni о’rаb turuvchi yupqa parda.

Qorinoyoqlilar – chig’anoqli mоlluskalar sinfi. Go’shti, chig’anog’i, sadafi uchun va boshqa maqsadlarda ovlanadi, shuningdek, zararli turlari bоr.

Qorin bo’shlig’i – umurtqali hayvonlar ikkilamchi bo’shlig’i – selomning bir qismi. Unda buyrak, yurak (sut emizuvchilarda o’pka)dan tashqari barcha ichki a’zolar joylashgan.

Qorin – bo’g’imoyoqlilarning ko’krak bo’limidan keyin keladigan qismi.