Category: T harfiga oid geografiyaga oid ensiklopedik atamalar

Trog (nemischa tog`ora) – muzlik o`yib o`zgartirgan tog`orasimon tog` vodiysi.

Transgressiya (lotincha transgressiy- o`tish) – materik bir qismining cho`kishi oqibatida dengizning quruqlikka bosib kelishi. Transgressiya hodisasi Yerning butun geologik tarixi davomida bo`lib kelgan. Transgressiya – quruqlikning cho`kindi yoki dengiz sathining … Read More

Tog`liq – dengiz sathidan juda balandda joylashgan, ustida tekislangan yuzalar bilan birga tog` tizmalari ham bo`lgan keng, baland tog`li o`lka. Masalan, Tibet, Eron, Pomir tog`li o`lkalari.

Tog`liklar – ham tog` tizmalarini, ham yassi tog`larini o`z ichiga olgan juda katta tog`li hududlar.

Tog` tizmasi – har ikki yon bag`ri aniq ko`rinib turgan uzun cho`zilgan tog`.

Tog` paydo bo`lishi – Yerning ichki va tashqi kuchlari ta’sirida yer yuzasida tog`lar paydo bo`lishi. Yerning vertikal ko`tarilishi hamda oqar suvlar faoliyati ta’sirida tog` tizmalari, tog` massivlari, vodiylar, soyliklar va … Read More

Tog` og`zi – daraga kiraverishdagi eng tog` joy. Odatda tektonik uzilmalarda, qattiq, tub jinslar yer yuzasiga chiqqan joylarda vujudga keladi. Darvoza, dahan atamalari bilan ham ifodalanadi.

Tog` massivi – u qadar pasti-baland bo`lmagan yoki eni ham, bo`yi ham deyarli teng bo`lgan keng tog`li o`lka; Masalan, Tyanshan tog`laridagi Xontangri tog` massivi.

Tog` vodiysi – tog`larda bo`ladigan juda kambar vodiy, nishabi turli joyda turlicha bo`ladi. Tog` vodiysida qayirlar katta bo`lmaydi va vodiyning kengaygan joylaridagina uchraydi.

Tog`lar – yer po`stining yakka-yakka yoki qator tizmalar shaklida ko`tarilgan joylari. Burmali, palaxsali, palaxsali-burmali bo`lishi mumkin. Tog`lar turli xil balandlikda bo`ladi.