Category: T harfiga oid iqtisodiy ensiklopedik atamalar

TOVARNING MAVQEYI – tovarning raqib tovarlarga nisbatan iste’molchilar ongi va ko’nglida tutgan o’rni.

TOVARNING BOZOR ULUSHI – aniq tovarning shu xildagi hamma tovarlar sotish umumiy hajmidagi hissasi.

TOVARNI BOZORDA JOYLASHTIRISH – tovarlarning bozordagi raqobatbardoshligini ta’minlash va mos keluvchi marketing majmuasini ishlab chiqish uchun amalga oshiriluvchi harakatlar.

TOVARNI BOZORDA JOYLASHTIRISH – bozorda tovar uchun raqobatbardosh holatni ta’minlash bo’yicha harakatlar va unga mos marketing majmuyini ishlab chiqish.

TOVARLASHGAN XIZMAT – tovar sifatida oldi-sotti qilinuvchi xizmatlar, ya’ni pulli xizmatlardir.

TOVARLARNI ZO’RLAB TARQATISH – ishlab chiqaruvchi tomonidan tovarni vositachilar noroziligiga qaramay o’tkazish.

TOVARLARNI SOTISH TIZIMI – marketingning asosiy bo’g’ini va tovarni yaratish, ishlab chiqarish va iste’molchigacha etkazish bo’yicha butun firma faoliyatining so’nggi qismidir.

TOVARLARNI SHAXSIY SOTISH – tovar sotish maqsadida bir yoki bir necha bo’lajak xaridor bilan suhbatlashib, tovarni og’zaki taqdim etish.

TOVARLARNI SELEKTIV TARQATISH – tovarlarni tarqatishda ishtirok etishni istagan vositachilardan faqat ayrimlari jalb etiladi.

TOVARLARNI JALB ETIB TARQATISH – awaliga iste’molchilarda yangi tovarga talab shakllantirish, so’ng vositachilarni jalb etish.