Category: U harfiga oid biologiyaga oid ensiklopedik atamalar

Uroteliya – oqsil va azot almashinuvi turi. Jarayonning oxirgi mahsuli – karbamid.

Urobakteriyalar – karbamidni ammiak va karbonat angidridgacha parchalaydigan bakteriyalar. Аmmоnifikatsiya jarayonining faol ishtirokchisi.

Urikoteliya – azot va oqsil аlmashinuvi turi. Jarayonning oxirgi mahsuloti – urat kislota.

Uremiya – qonda ortiqcha miqdorda karbamidning to’planishi. Odatda, bunday holat buyrak faoliyatining buzilishi bilan bog’liq.

Uredospora – zang zamburug’i sporasi – zang zamburug’larining yozgi sporalari. Odatda, ustunchaga ega bir hujayrali.

Ureaza – gidrolaza sinfiga mansub ferment. Karbamidni karbonat angidrid va ammiakkacha parchalanish reaksiyasini katalizlaydi. Tarvuz va soya urug’larida ko’p.

Urasil – pirimidin asoslari; RNK va erkin nukleotidlar tarkibiga kiradi.

Unumdorlik – tuproqning o’simlikni suv va oziq moddalarga bo’lgan ehtiyojini uzluksiz qondirib turish xususiyati.

Uniport, yakka ko’chirish – mахsus ko’chiruvchi modda yordamida bitta modda уо birikmani biologik mеmbrаnа orqali o’tkazish (transport qilish).

Unabidoshlar – ikki pallali o’simliklar oilasi.