Haydar Boycha o’g’li

Haydar Boycha o’g’li, Haydar sannovchi (1882 — Yangiqo’rg’on tumani G’ovzon qishlog’i — 1970) — o’zbek xalq baxshisi, ertakchi. Amakivachchasi Cho’liboy Ko’shal o’g’liga shogird tushgan. Haydar boycha o’g’lidan “Qunduz bilan Yulduz”, “Alpomish”, “Go’ro’g’lining tug’ilishi”, “Go’ro’glining Avazni olib kelishi”, “Avazning arazi”, “Yusuf va Ahmad” kabi dostonlar, ko’pgina xalq ertaklari va termalar yozib olingan. “Buzoq, echki va qo’zi”, “echkining o’ch olishi”, “tulki bilan tovus”, “hiylakor bedana”, “och bo’ri”, “tulki bilan bo’ri”, “ilon pari” kabi ertaklari “O’zbek xalq ertaklari” to’plamida nashr etilgan.