Ho’kiz

Ho’kiz — ish hayvoni; 2 yoshdan oshgan, qo’shta yaraydigan bichilgan erkak qoramol. Mustahkam va dag’al Konstitutsiyali novvoslar bir yoshdan oshganda axtalanib, ish hayvoni sifatida 18— 24 oyligidan boshlab turli xo’jalik ishlarini bajarishda foydalanilgan. Omoch bilan yer haydash, g’alla yanchish (ho’p), aravalarga qo’shib yuk tashish ishlarida asosiy ulov bo’lgan. Osiyo, Afrikaning ayrim mamlakatlarida Ho’kizlar asosiy ish va miniladigan (transport) hayvon sifatida hozir ham ko’p ishlatiladi. O’zbekistonda Ho’kizlardan xo’jalik ishlarida 20-asrning 50-yillari boshiga qadar foydalanilgan.