IDRIS

IDRIS — Qur’onda nomi zikr etilgan payg’ambarlardan biri. Rivoyat qilishlaricha, Idris yer yuzida 365 yil yashagan. Bu olijanob, taqvodor insonni Alloh “yuksak martabaga ko’targan” (Qur’oni Karim, 19:56-57). Islomshunoslar Idrisni Bibliyadagi Enoh, ba’zan Ezdra kabi afsonaviy shaxslar bilan taqqoslaydilar. U ajal farishtasini aldab, jannatga kirgan va Allohga sadoqati uchun qiyomat kunigacha o’sha joyda yoki yetti osmonning birida qoldirilgan. Idris Islom rivoyatlaridagi Ilyos va Xizr hazratlari singari “abadiy barhayot” hisoblanadi. U xat va yozuvni, kiyim tikib, kiyinib yurishni boshlab bergan, yulduzlarga qarab taqdirni aytib berishni, vaqt hisobini bilgan payg’ambardir. Tikuvchilar piri hisoblanadi.