Keratoplastika

Keratoplastika (Yunoncha keras — shox, muguz va plastika) — xiralashgan ko’z muguz (shox) pardasini sog’lom parda bilan almashtirish. V.P.Filatov tavsiya etgan plastik operatsiya. Bunda muguz pardaning oq tushib xiralashib qolgan qismi kesib olinadi, ko’rishni tiklash maqsadida uning o’rniga konservasiya qilingan muguz pardadan loyiq qilib ko’chirib o’tkaziladi. Ba’zan muguz parda butunlay almashtiriladi.