Lorisimon to’tiqushlar

Lorisimon to’tiqushlar (Lorinae), qiltilli to’tiqushlar — to’tilar turkumining kenja oilasi. 60 ga yaqin turi ma’lum. Eng yirigi kaptardek keladi. Patlari har xil rangli. Tilining uchida gul nektarini so’rishga moslashgan ingichka o’simtasi bo’ladi. Avstraliya, Polineziya, Yangi Gvineya, Molukka va kichik zond orollarida tarqalgan. Daraxt kovagiga uya quradi. O’rmonda yashaydi. Asosan, gul nektari bilan oziqlanadi.