Mis tangalar

Mis tangalar-misdan zarb qilingan qadimgi tanga pullar. Sharqda misdan turli narsalar yasash miloddan avvalgi 4-mingyillikdan beri ma’lum. Mis tangalar miloddan avvalgi VIII asr oxiri-VII asr boshlarida Qadimgi Lidiya davlatida paydo bo’lgan. O’rta Osiyoda miloddan avvalgi IV asrdan boshlab muomalaga kirgan. Afrosiyob hududida Salavkiylar davlati podshosi Antiox I nomi yozilgan Mis tangalar (miloddan avvalgi III asr), Buxoro vohasidan kamonchi tasviri tushirilgan mayda Mis tangalar (miloddan avvalgi IV asr) topilgan. IV asrda Sug’diyona va unga tobe yerlardagi aholi Mis tangalardan foydalanilgan. VII asr o’rtalarida Sug’diyona davlatida 1 kilogramm misdan o’rtacha 425 tanga, VIII asr o’rtalarida esa 1 kilogramm misdan o’rtacha 963 tanga zarb qilingan. Afrosiyobdagi arxeologik qazishlar vaqtida turli davrlarga oid Mis tangalar xazinasi topildi. Mis tangalar kumush tangalarga qo’shimcha sifatida ishlatilgn.