TO’RA MURODTO’RA MINORASI

TO’RA MURODTO’RA MINORASI – Xivadagi me’moriy yodgorlik (1888). Ichan qal’a tarkibidagi To’ra Murodto’ra masjidi (saklanmagan) minorasi. Minora balandligi 9 metr, diametri 3,2 metr; unga shimoldan kiriladi. Tanasi yuqoriga tomon ingichkalashib boradi. Yuqori qafasasi 4 ravoqli, 2 qatorli g’ishtin sharafa bilan tugallangan. Pishiq g’isht (27×4 — 28×5 santimetr) qatorlari oralig’iga moviy rangli sirlangan koshin bandak uslubida o’rnatilgan. Ichidagi zina (eni 60 santimetr) orqali yuqoriga chiqiladi. Xivaning 2500 yilligi munosabati bn To’ra Murodto’ra minorasi ta’mirlangan.