{"id":136909,"date":"2024-06-28T14:46:54","date_gmt":"2024-06-28T11:46:54","guid":{"rendered":"https:\/\/milliycha.uz\/?page_id=136909"},"modified":"2024-07-03T10:54:06","modified_gmt":"2024-07-03T07:54:06","slug":"54-qism-savol-javoblar","status":"publish","type":"page","link":"https:\/\/milliycha.uz\/kr\/54-qism-savol-javoblar\/","title":{"rendered":"54-qism savol javoblar"},"content":{"rendered":"\n

Savol javoblar t.me\/Eski_Savollar_Bazasi<\/a> telegram kanalidan olingan.<\/p>\n\n\n\n

5301. S.I.Vayl ma’ruzalarining birida Xning o’rniga adashib qora mushukni eslatib o’tadi. X Polshaliklarning mashhur maqolining analogida aytib o’tilgan va u dangasalikni bildiradi. X ning nomini toping?<\/strong>
Javob: Quyon<\/p>\n\n\n\n

5302. Oxirgi vaqtlarda Norvegiya, Daniya va boshqa kichik davlatlarida investorlar daromadning yana bir turini rivojlantirishmoqda. Unga ko’ra ular bir binoni o’z mablag’lari hisobiga qurib bitkazib davlat ixtiyoriga topshirishadi.
Savol. Bu binodan qanday maqsadda foydalaniladi?<\/strong>
Javob; Qamoqxona<\/p>\n\n\n\n

5303. Alfa – shu qadar buyukki, uning fazilatlarini o’lchash- dunyodagi eng baland tog’ning eng baland cho’qqisiga emaklab chiqish zaxmati bilan teng.
Alfa – shuqadar tubanki uning illatlarini o’lchash – dunyodagi eng baland tog’ning eng baland cho’qqisidan emaklab tushish zaxmati bilan teng.
Alfa-?<\/strong>
Javob: Inson<\/p>\n\n\n\n

5304. Qaysi sabzavotning ilmiy nomi lotinchadan tarjima qilinganda “quti” ma’nosini beradi?<\/strong>
Javob: Qalampir<\/p>\n\n\n\n

5305. Braziliya sug\u2018urta jamiyati hayot uchun eng xavfli bo\u2018lgan kasblar ro\u2018yhatini chop etdi. Bu ro\u2018yhatga taksi haydovchilari, politsiya komissarlari, bokschilar, reportyorlar, xususiy detektivlar kirgan. Bu ro\u2018yhatni boshqarib turgan kasb vakillari kimlar ekanligini toping?<\/strong>
Javob: Futbol hakamlari<\/p>\n\n\n\n

5306. Bir safar Ibn Sinoga bir bemorni olib kelishadi, uning son suyagi chiqib ketgan edi. Ibn Sino bir sigirni olib, uni faqat pichan va tuz bilan boqadi. Keyin bemorni sigirning ustiga mindirib, ikki oyog\u2018ini bog\u2018lab, so\u2018ng sigirga suv beradi. Bir necha kun qattiq chanqagan sigir juda ko\u2018p miqdorda suv ichadi, natijada uning qorni shishib, bemorning suyagi joyiga tushadi. Aytingchi, nega Ibn Sino bu bemorni davolashda ushbu usulni tanlagan?<\/strong>
Javob: Bundayin qiyin usulni qo\u2018llashdan maqsad, Ibn Sino nomahramning suyagini o\u2018z qo\u2018li bilan joyiga solishni istamagan, chunki bemor ayol kishi edi! Shu joyida rahmatli Hojiboy Tojiboyevning “medbratlar” haqidagi gaplari esimizga tushadi: “Shuuuuncha joydan kelib, qo\u2018liga ukol qilib ketaveramanmi?”<\/p>\n\n\n\n

5307. Savol
Shayx Muhammad G\u02bbazzoliydan iqtibos.
Dushmaningga xizmat qilishing uchun xizmatkor bo\u2018lishing shart emas, xoin bo\u2018lishing uchun xiyonat qilishing shart emas. X bo\u2018lishning o\u2018zi yetarlidir.
X ni aniq yozing?<\/strong>
Javob: Ahmoq<\/p>\n\n\n\n

5308. Biz bilamizki qahva juda mazali ichimli hisoblanadi uni damlash usullari juda ko’p bazilar turkcha bazilar esa meksikan uslubida damlashadi siz bizga qahva damlanadigan idishini qaysi davlat birinchilardan bo’lib ishlab chiqarganni ayting?<\/strong>
Javob: Bu Davlat Fransiya
Izoh. U narsani birinchi bo’lib oddiy inson o’ylab topgan va unga patent olgan<\/p>\n\n\n\n

5309. Ayman Yog\u2019iy:
Ular ustida o\u2018tkazilgan izlanishlar natijasi shuni ko\u2018rsatadiki, ularning 85%i uylanganidan keyin U bo\u2018lgan?<\/strong>
Javob: Kal<\/p>\n\n\n\n

5310. 1974 yilgi futbol bo\u2018yicha Jahon Chempionatidan oldin Gollandiyadagi bir bank ushbu turnirda gol urgan barcha Gollandiya terma jamoasi o\u2018yinchilariga mukofot e\u2019lon qiladi. Ammo chempionat yakunlangandan keyin xuddi shu bank terma jamoa a\u2019zosi Rud Krolga mukofot berishdan bosh tortadi. Faqat terma jamoa a\u2019zolarining jiddiy e\u2019tirozlaridan so\u2018ng, bank mukofot berishga rozi bo\u2018ladi. Aytingchi, nega dastlab bank mukofot berishdan bosh tortgan edi?<\/strong>
Javob: Sababi Rud Krol o\u2018z darvozasiga gol urib qo\u2018ygan edi. Bank o\u2018z e\u2019lonida gol urgan o\u2018yinchiga mukofot beramiz deb e\u2019lon qilgan edi, ammo qaysi darvozaga urish kerakligini aytishmagandi.<\/p>\n\n\n\n

5311. XVIII asrda Angliyada bir kasbda ishga kirish juda qiyin bo’lgan. Chunki talabgorlar juda ko’p bo’lgan. Inglizlar bizning tilda “yog’li joy” deb qaysi kasbni bilishgan?<\/strong>
Javob: Cho’ponlik<\/p>\n\n\n\n

5312. Mc’Donald’s bundan 15-20 yil oldin O’zbekistonga kelib bitta raqobatdosh ovqat tufayli bu yerda o’z o’rnini topolmay ketgan. bu qanday ovqat?<\/strong>
Javob: Somsa
Izoh: O’sha paytda bitta fast food ni puliga 3-4 ta odam to’yadigan somsa bergan<\/p>\n\n\n\n

5313. Ushbu davlat konstitutsiyasiga binoan prezident Grek millatidan vitse prezident esa Turk millatidan bo’lishi shart. Bu qaysi davlat?<\/strong>
Javob: Kipr davlati<\/p>\n\n\n\n

5314. Gollandiyaning Eymenden shahri fuqarosi 17 yoshidan boshlab avtomobil haydashni boshlagan va biror marotaba ham qoidani buzmagan.
Savol: Bu inson 84 yoshga kirganda politsiya nimani aniqlagan?<\/strong>
Javob: Unda haydovchilik guvohnomasi yo\u2018qligini.<\/p>\n\n\n\n

5315. Zahiriddin Muhammad Bobur hazratlarining “Boburnoma” asarida shunday farmon zikr etilgan: “Tinchlik saqlangan mamlakada mutlaqo hech bir kishi unga urinmasin uni hosil\u00a0 qilishga\u00a0 tirishmasin\u00a0 sotmasin va olmasin. Undan qochinglar\u00a0 shoyadki\u00a0 najot topsanglar”
Siz bizga bu farmon nimaga qarshi\u00a0 chiqarilganligi ayting?<\/strong>
Javob: Ichkilik<\/p>\n\n\n\n

5316. Qadimgi fors allomalari deydilarki: “Aqilli odam shunday odamki,qiyin vaziyatlardan qutilib ketoladi. Dono odam shunday odamki \u2026.
Nuqtalar o’rnida jumlani davom ettiring?<\/strong>
Javob: U qiyin vaziyatga umuman tushmaydi<\/p>\n\n\n\n

5317. EURO-2016 o\u2019yinlaridan savol:
52 ta o\u2019yinda 100 dan ortiq gollar kiritilgan bu turnirda har xil natijalar, kutilmagan hisoblar qayd etildi. EUROdagi bir o\u2019yin oldidan bir jurnalist bo\u2019lajak o\u2019yin haqida o\u2019z fikrlari bilan o\u2019rtoqlashdi. Qiziqarli tomoni shundaki, uning bergan taxminidan u hech qachon yutqazmasdi. Va u natija haqida gapirar ekan, bir qahramonni va yozuvchini ham tilga olib o\u2019tdi. Sizga shunday yordam berishim mumkinki, XXI asrdagi bir finalni eslasangiz, bu savolni darrov topasiz. Savol esa shunday menga bu fikrlar qaysi o\u2019yin oldidan emas, balki o\u2019sha qahramonining va yozuvchining ismlarini yozib bering?<\/strong>
Javob: Kung Fu Panda bosh qahramoni Po va amerikalik yozuvchi Edgar Allan Po
Izoh: XXI asrdagi bir finalni eslasangiz degan jumla savolni topishizda yordam edi. 2011 yil Copa America Finalida UruGVAY va ParaGVAY o\u2019zaro o\u2019ynashganda o\u2019yin oldidan bir jurnalist ,,GVAY\u201c g\u2019alaba qozonadi degan edi. EURO dagi POlsha va POrtugaliya o\u2019yinidan oldin ham bir jurnalist shu an\u2019anani davom ettirib, ,,PO\u201c g\u2019alaba qozonadi degan edi. Polsha va Portugaliya so\u2019zlarining birinchi 2 harfi ,,Po\u201c dir. Bu esa qaysi jamoa g\u2019alaba qozonsa ham, jurnalist g\u2019alaba qozonardi deganidir. Po g\u2019alaba qozonadi degan gapini eshitsak esa darrov Kung Fu Panda bosh qahramoni Po hamda Yozuvchi Edgar Allan Po xayolimizga keladi<\/p>\n\n\n\n

5318. Afrikaning suhaili qabilasida bir afsona bor: Yerdagi birinchi odam osmondan tushgan uning tushishiga alfa yordam bergan.
Savol: alfa nima?<\/strong>
Javob: Jirafa.
Jirafa bolasi ham 2 metr balandlik yerga qulaydi tug’ilish paytida<\/p>\n\n\n\n

5319. The BMJ va EurekAlert nashridan qisqacha ma’lumot. uni kuniga 90 gramm miqdorida iste’mol qilib turish, yurak-qon tomir kasalliklari va\u00a0yurak ishimiyasi(19 foizga), insult(14 foizga), saraton kasalligi (15 foizga), qandli diabet (26 foizga) va nafas olish kasalliklarining (22 foizga ) o’lim bilan bog’liq bo’lgan xavfini kamaytirishda va davolashda yordam beradi.
Savol: gap nima haqda ketyapti?<\/strong>
Javob: Bug’doy donasi<\/p>\n\n\n\n

5320. Biz so’z yuritmoqchi bo’lgan X qadimda Yevropada omadsizlik va kambag’allikka qarshi jodu va afsunlarda ishlatilgan bo’lsa, kelt qabilalari esa uning kulini uylari atrofiga sepib chiqishgan( albatta nochorlikni haydaydi, deb ishonishgan). Uning vatani qadimgi Midiya hisoblanib, keyinchalik qad. Rim, Yunoniston va Qad. Shim. Afrikaga ham yetib kelgan. Rus tilida X ning nomi lotin tilidan tarjima qilinganda esa “yorug’lik taratmoq” degan ma’noni beradi. Agar siz uni topgan bo’lsangiz, u bizda nima uchun ishlatilishini ayting.?<\/strong>
Javob: X – beda ( pichan). Bizda u yem-xashak tayyorlashda foydalaniladi va tuproqni organik moddalar bilan boyitadi, biologik drenaj vazifasini o\u02bbtaydi. Ruschada esa \u043b\u044e\u0446\u0435\u0440\u043d\u0430 deyiladi.<\/p>\n\n\n\n

5321. Bu futbolchining o’yin turkumi o’zgalardan farq qiladi, 3 karra Amerika kubogi sovrindori, o’z davlati bir necha karra g’olibi, hattoki 2ta taniqli narkobaronlar orasida o’rtakash bo’lgan ham deyishadi.
Bizga u kimligini emas balki futbol tarixida qaysi ishi bilan mashhur bo’lganini 2 so’z bilan ayting?<\/strong>
Javob: “Chayon zarbasi”
Izoh: bu Rene Higuita (Igita Rene)<\/p>\n\n\n\n

5322. U juda kuchlidir bizning fikrimizcha “qirol” kuchli ammo aslida yakkama yakka holatda U g’alaba qiladi biz shunchaki Toji borligi sabab “qirol” deb ataymiz
Menga u ni topgan bo’lsangiz uni rangini to’liq holda ayting?<\/strong>
Javob: U-Yo’lbars Qirol-Sher faktlarga ko’ra yo’lbarslar sherlardan kuchliroq ekan va yakkama yakka janglarda 80% holda yo’lbarslar g’alaba qiladi
Sherni boshidagi yo’li uning toji. Aslida yo’lbarslar kuchliroq yo’lbarslarning rangini o’zingiz bilasiz.<\/p>\n\n\n\n

5323. Pyer Buast: \u201cU hamma katta yutuqni olishni xohlaydigan lotereyadir\u201d degan. Avraam Linkoln esa \u201cU na jannat va na do\u2018zaxdir, u arosatdir\u201d degan.
Jon Styuard Mill aytadi: \u201cU qonunda ruxsat berilgan yagona qulchilik formasidir\u201d. Gap nima haqida ketmoqda?<\/strong>
Javob: Oila, Turmush.<\/p>\n\n\n\n

5324. Garry Potter asari Shunchalik mashhurlikka erishdiki, muallif J. Roulingni bu asarini hamma qiziqish bilan sotib ola boshladi. Garry Potter asarini barcha kitoblari hattoki u ham qanchalik band bo’lishiga qaramay o’qib chiqdi. Uni bir faktga ko’ra Da Vinchi, Napaleon, Nyuton qatorida ko’rishimiz mumkin. Bu shaxs kim?<\/strong>
Javob: Barak Obama<\/p>\n\n\n\n

5325. Agata Kristi eri bilan turmush qurganiga 25 yil to\u2018lganida shunday degandi: \u201cEng yaxshi erlar – . . . . . . ..lardir! Chunki sening yoshing qanchalik katta bo\u2018lsa, u seni shunchalik qadrlaydi\u201d
Nuqtalar o’rnida kimlarni nazarda tutkan?<\/strong>
Javob: Arxeologlar<\/p>\n\n\n\n

5326. 1997-yil 16 dekabrda Yaponiya milliy telekanalida multfilimning 38 seriyasi namoyish qilinadi. Ertasi kuniga kasalxonalarda 700 nafar bolakaylar turli tashhislar bilan kasalxonalarga yotqiziladi.
Savol: Bolakaylar nima sababdan turli kasalliklarga chalingan?<\/strong>
Javob: Multfilm namoyishining ertasi kuni bolakaylar multfilmni davomiga qiziqib ketganlaridan maktabdan qolib multfilmni qolgan qismlariniyam ko’rishlari uchun ataylab o’zlarini yolg’ondan kasalga solishgan ekan<\/p>\n\n\n\n

5327. Ulardan\u00a0biri X – o’zaro jamoa tuzadilar, bir birlari bilan uzoq – uzoq suhbat\u00a0 quradilar, hattoki qo’shiq kuylaydilar. Ikkinchisi Y – har yerda, har qachon,\u00a0 har borliqga kerakli. X aslida Y da yaxshaydi. Y esa X dan otilib chiqadi. Ana\u00a0 endi siz mega X va Y ni emas, balki X ning o’zbekchadagi Y ning esa forschadagi\u00a0 ko’rinishlarining birlashuvidan hosil bo’luvchi “ne’mat”ni ayting?<\/strong>
Javob: X bu: Kit – o’zaro jamoa tuzadilar, bir birlari bilan uzoq – uzoq suxbat\u00a0
quradilar, hattoki qo’shiq kuylaydilar.
Y esa Suv – har yerda, har qachon,\u00a0har borliqga kerakli. Kitlar aslida Suv da yaxshaydi. Suv esa Kit dan otilib chiqadi. Ana\u00a0
endi siz mega Kit va Suv ni emas, balki Kit ning o’zbekchadagi Suv(ob) ning esa forschadagi\u00a0
ko’rinishlarining birlashuvidan hosil bo’luvchi “ne’mat”ni ayting!!!
Javob: Kit+ob (https:\/\/t.me\/Eski_Savollar_Bazasi\/6303?comment=38138)<\/p>\n\n\n\n

5328. Quyidagi 5 ta Puxiyolay, puxanyor, puxanmal , puxanduy, puxanvol so’zlari lavozim pillapoyasida o’sib boruvchi tarzda joylanganligini bilgan holda ularning oxirgi ya’ni oltinchisi nomini va u termin bizda qanday atalishini toping?<\/strong>
Javob: Birinchi daraja puxiyolay – laborant, kichkina olim.
Ikkinchi daraja puxanyor – \u00a0katta laborant.
Uchinchi daraja puxanmal – o’qituvchi.
To’rtinchi daraja puxanduy – katta o’qituvchi.
Beshinchi daraja puxanvol – dotsent.
Oltinchi daraja puxond – professor.<\/p>\n\n\n\n

5329. Nega rasmlaringizni qing’ir qiyshiq chizasiz.? Degan savolga Pikassoni shioriga aylanib ketgan javobi qanday?<\/strong>
Javob: “Men dunyoni qanday ko’rsam shunday chizaman”<\/p>\n\n\n\n

5330. O’rta asrlarda Germaniyada shogirdlarning o’z ustozi uchun maxsus yasagan narsasi shunday atalgan. Keyinchalik bu so’z futbolda ham qo’llanila boshladi. Xayrulla Hamidov ham bu so’zni ishlatishni xush ko’radi. Shuningdek javob e’lon qilinganda “X” savol bo’libdi desangiz men ham xursand bo’laman. Marxamat, bu so’zni yozib bering?<\/strong>
Javob: Shedevr<\/p>\n\n\n\n

5331. Milliy madaniyatimiz rivojidagi izchillik shundaki, Navoiy turk tilining “teng huquqligi” uchun kurashgan. ULAR esa salaflari boshlagan ishni mantiqiy nihoyasiga yetkazish uchun harakat qilganlar.
Ular so\u2018zi o\u2018rnidagi 2 shaxsni toping?<\/strong>
Javob: Fitrat va Cho’lpon<\/p>\n\n\n\n

5332. X birinchi marta 1874-yilda shveysariyalik ixtirochi Karl Lind tomonidan qurilgan. Bu ixtiroga sabab esa 1823-yilda Maykl Faradeyning ammiak bug\u02bbi bosim ostida siqilib, keyin undan issiqlik ajratib olinganida, u qayta suyuqlikka aylanishini kashf qilgani edi. Bu tajribada jismlardan issiqlikni to’liq olish aks ettiriladi.
Quyidagi ma’lumotlardan foydalangan holda va biz X dan foydalanishimizni hisobga olgan holda X ni yozib bering<\/strong>.
Javob Muzlatgich<\/p>\n\n\n\n

5333. Muallifi dramaturg Ibrohim RAHIM bo’lgan ” U ” nomli asarda SSSR davridagi ba’zi holatlar tasvir va tanqid qilingan. Erkin Vohidov, Anvar Obidjon, Xudoyberdi To’xtaboyev Asqad Muxtorlarni ham U deyish mumkin.
U o’rnidagi bir xil harf bilan boshlanuvchi ikki so’zni ayting.?<\/strong>
Javob: Farg’ona Farzandlari<\/p>\n\n\n\n

5334. Holms va Vatsonni suxbati:
Holms: menga mutlaqo aniqki sizning yotoqxonangizdagi derazangiz o’ng tomonda, ammo tergovchi mister Lestredning shunga ham aqli yetishi gumon.
Vatson: darxaqiqat siz buni qanday bildingiz derazam o’ng tomondaligini?
Holms: \u2026\u2026\u2026\u2026\u2026\u2026.
Savol sinchkov va izlanuvchan Holms Vatsonni derazasi o’ng tomondaligini qayerdan bilgan?<\/strong>
Javob: Holms: siz Vatson g’arbliklar tarbiyasini olgansiz g’arbliklar har kuni soqol oladi shuningdek siz ham har kuni ertalab soqol olasiz soqoliz o’ng tomondan yaxshi olinib chap tomonga kelganda chala olina boshlagan
javob sokol olishidan aniqlagan ( Manba: boskom vodiysining siri).<\/p>\n\n\n\n

5335. 1950-60 yillarda Moskva aholisi xuddi yer yutib yuborganday ko’rinmay qoldi,ko’chalar huvullab qoldi!
O’sha yillari Moskvada aholi ko’zga ko’rinmay qolishiga nima sabab bo’lgan?<\/strong>
Javob: Metro ochilgan odamlar unga qiziqib tushgan<\/p>\n\n\n\n

5336. Savolda: “bu ishni qilish” so’zlari bir nechta so’zlar bilan almashib kelgan. Bu ishni qilish aslida hurmatsizlik hisoblanadi. 2010-yili chiqqan “\u0401\u043b\u043a\u0438” filmi personaji ovqatlanish joyida Bu ishni qiladi. Youtubedagi bloger Kunduziyning blogida bo’lsa bu personaji 2002-yili chiqqan bir mashhur filmga taqlid qilinganligini aytadi. Diqqat savol: siz bizga Bu ishni emas o’sha filmni yozib bering?<\/strong>
Javob: Tanka
izoh: bu ishni qilish birovni ovqatni yeyish\/birovni ovqatni tortib olish<\/p>\n\n\n\n

5337. Hammamiz taniydigan Facebook asoschisi Mark Sukerberg Facebook logotipi uchun ko’k rangni tanlashiga sabab U ekan. U tufayli ba’zi odamlar mashina hayday olmaydi. U nasldan naslga o’tar ekan va ko’proq erkaklarda uchrar ekan. Yuqoridagi ma’lumotlardan foydalanib menga U ni yozib bering?<\/strong>
Javob: Daltonizm<\/p>\n\n\n\n

5338. Amazonka malikasi Aleksandr Makedonskini yoniga 300 kanizak va sovg’a tilla taqinchoqlar bilan keladi. Aleksandr: sovg’a salomingni evaziga nima beray, nima xohlaysan?
Amazonka malikasi X xohlashini aytadi. Aleksandr X uchun bir hafta muddat beradi. Savol X ni toping?<\/strong>
Javob: Nasl ya’ni farzand ko’rishni (https:\/\/t.me\/Eski_Savollar_Bazasi\/6320?comment=38839). Amazonka bu qadimgi ayol jangchilar ular nasl ko’paytirish uchun bir yilda bir marta boshqa qabila o’lkalarga chiqishadi. nasl qabilasini ko’paytirish uchun so’ragan. Qiz bo’lsa olib qolishini o’g’il bo’lsa Aleksandrni o’ziga qaytarishga kelishadi.<\/p>\n\n\n\n

5339. Rafael Santi, Leon Batista, Mikelanjello Buanarotti, Uilyam Shekspir, Migel de Servantes va albatta Leonardo da Vinchi. Biz yuqoridagi buyuk shaxslarni Ular deb atashimiz mumkin. 1994-yili ekran yuzini ko\u02bbrgan Gollivud komedik filmidagi Bill Ragonini ham Ular qatoriga qo\u02bbsha olamiz. Ularni 3 so\u02bbzda yozib bering?<\/strong>
Javob: Uyg’onish davri odami
Renaissance Man<\/p>\n\n\n\n

\"\"<\/figure>\n\n\n\n

5340. Sherlok Holms uni doim: “Bu ayol” deb atardi, boshqacha ataganini ham bilmayman. Uning nazarida o’sha ayol dunyodagi jamiki ayollarning go’zali edi.
Savol: gap qaysi ayol haqida ketyabdi?<\/strong>
Javob: “Bu ayol” Iren Adler
(manba: izquarning inqirozi)<\/p>\n\n\n\n

5341. Mantiqiy:
30 ta deraza oynasini yuvishga 6 soat ketsa, huddi shunaqa o’lchamli ko’zguni yuvishga qancha vaqt ketadi?<\/strong>
Javob: 3 soat chunki ko’zguni bir tomoni yuviladi.<\/p>\n\n\n\n

5342. Matematik savol:
Mening hozirgi yoshim yarmisiga 8 ni qo’shsangiz, mening 12 yil oldingi yoshimni topasiz. Mening yoshimni toping?<\/strong>
Javob: 40 yosh. X\/2+8=x-12 (https:\/\/t.me\/Eski_Savollar_Bazasi\/6326?comment=38877)<\/p>\n\n\n\n

5343. Soat buzilib bir kunda 6 minutga kech qolsa necha kundan keyin 1 soatga kech qoladi?<\/strong>
Javob: 10 kun<\/p>\n\n\n\n

5344. Xitoy dunyoda aholi soni ko\u2018pligi bo\u2018yicha birinchi o\u2018rinda turadigan davlat ekanligidan xabaringiz bor. Aholi soni ko\u2018pligi natijasida, minglab shevalar ham paydo bo\u2018lgan. Shevalar soni shu darajada ko\u2018p va turfa xilki, Xitoyning narigi chekkasidagi tilni, boshqa tomondagilar tushunmasligi mumkin. 1958 yilning 1 may kuni sodir bo\u2018lgan bir voqea mana shu muammoning oldini olishga katta xizmat qilgan.
Diqqat savol, o\u2018sha kuni Xitoyda nima voqea sodir bo\u2018lgan?<\/strong>
Javob: Ilk teletranslyasiya efirga uzatilgan, ya\u2019ni televideniya ishga tushgan.<\/p>\n\n\n\n

5345. Bu so\u02bbz haqida vikipediyadan qidirsak (700-711 hukmdorilik qilgan) bir podshoh ismi, tarragon o\u02bbsimligi haqida bilib olamiz. Va yana bir versiyaga ko\u02bbra U Gruziyada ishlab chiqarlishi, zumrad rangda bo\u02bblishi yozilgan. Diqqat savol: Uni topgan bo\u02bblsangiz uni o\u02bbz qo\u02bbshiqlaridan birida keltirib o’tgan xonandani ayting?<\/strong>
Javob: Jahongir Poziljonov
Izoh: Tarxun so’zi edi. Anhor qo’shig’ida eslab o’tilgan<\/p>\n\n\n\n

5346. Yaqinda XV asrda yashagan ikkita “sher” haqida savol o’ynalgan edi<\/strong>. Endi navbat “Kabutarlar” haqida. Bir asrda yashagan bu ikki buyuk insonlar (biri yevropalik, biri O’zbekistonlik) hayotida kabutarlar muhim rol o’ynaydi. Birini hayotiga kabutarlar nuqta qo’ygan bo’lsa, yevropalik esa olamshumul ishga qo’l urgan.
Diqqat savol: Yurtdoshimizni topgan bo’lsangiz, menga yevropalikni yozib bering?<\/strong>
Javob: Kolumb
Izoh: Kolumb so’zini lotinchadan tarjima qilsak, kabutar degan ma’noni ham anglatadi.<\/p>\n\n\n\n

5347. Bu so\u2018zni paydo bo\u2018lish tarixi Italiyaga borib taqaladi. Tinimsiz yog\u2018gan yomg\u2018irlar natijasida Neapol shahri ko\u2018chalarini suv bosgan vaqti neapolliklar bu suv toshqinini siz-u biz bilgan O\u2018SHA so\u2018z bilan atashgan. Keyinchalik bu so\u2018z suv toshqiniga nisbatan emas, balki boshqa dahshatliroq toshqin ma\u2019nosida ishlatila boshlangan. Gap qaysi italyancha so\u2018z haqida ketmoqda?<\/strong>
Javob: Lava.
Izoh: Xabaringiz bo\u2018lsa kerak, Neapol shahri mashhur Vezuviy vulqoni yaqinida joylashgan. Dastlab yomg\u2018ir natijasida shahar ko\u2018chalarini suv bosgan bo\u2018lsa, keyinchalik qaynoq lava bilan qoplangan.<\/p>\n\n\n\n

5348. Tarixiy filmlarda ba’zi aktyorlar biroz g\u02bbalati ko\u02bbrinadi, negaki ular tashqi ko\u02bbrinishidan o\u02bbsha davr uchun zamonaviy bo\u02bblishadi. Bunday san’atkorlar haqida ularning “Alfa yuzi” borligi keltirib o\u02bbtilgan. Bu jihat ularning tashqi ko\u02bbrinishi XXI asrga bog\u02bbliqligini ko\u02bbrsatadi.Telegramda qiziqarli fakt va malumotlar ulashadigan bir kanaldagi postga ko\u02bbra yaqinda Xiaomi kompaniyasi Garri Potter va “Alfa”ni birlashtirish imkonini yaratganligi ko\u02bbrsatilgan.
Diqqat savol, “Alfa”ni o\u02bbzbekcha bo\u02bblmagan bir so\u02bbzda yozib bering?<\/strong>
Javob: Smartfon
Izoh: San’atkorlar o\u02bbrtasida bunday aktyorlar ” Smartfon yuzli” deyilgan.Bunga ko\u02bbpincha soxta tabassum, vinirlardan foydalanish, qoshlarning shakli yoki kosmetik muolajalar sabab bo\u02bbladi .
Manba: https:\/\/daryo.uz\/2023\/08\/31\/kadr-orti-sirlari-suratga-olish-maydonchasidagina-korish-mumkin-bolgan-noodatiy-holatlar<\/p>\n\n\n\n

5349. XVII asrda Gollandiyadan Amerika qit’asiga borib qolgan bir sayyoh hindu qabilalaridan butun Manhetten orolini jami qiymati 240 $ bo’lgan rang barang mato bo’laklari turli hil mayda chuydalarga ayirboshlab olgan. 1626 yili shu joyda yangi Amsterdam shahri qurildi. Keyinchalik bu shahar Nyu York nomini oldi
Savol: Butun boshli shaharni 240$ ga sotib olgan sayyohni ismi nima?<\/strong>
Javob: Piter Minunt<\/p>\n\n\n\n

5350. Qadimgi slavyanlar Alfalarning yaratuvchisiga nisbatan “Achchiqlik va shirinlikni o\u02bbzida jam etuvchi” deya ta’rif bergan. Alfalar tomonidan tayyorlagan mahsulotining tabiiyligini aniqlash uchun mis sim ishlatilishi aytilgan.Uy sharoitida esa eng samarali usullardan biri sifatida non bilan tekshirish kerakligi ko\u02bbrsatilgan. Diqqat savol, siz bizga “Alfa”ni emas ularnig mahsulotini yozib bering?<\/strong>
Javob: Asal ?
Manba: 10-sinf Kimyo kitobi 174-bet<\/p>\n\n\n\n

5351. Rio olimpiadasida futbol turnirining final o’ynidan oldin nemis matbuotida nemislar aniq g’alaba qozonadi deb 2 ta dalil keltirishdi. Birinchisi albatta Braziliya o’z uyida bo’lib o’tgan futbol bo’yicha katta musobaqalarda hech qachon g’alaba qozona olmaganligi bo’lsa, ikkinchisi esa bir holatni sabab qilishgandi. Chunki bu holat nemislar fikricha yaqin o’tmishda ham g’alaba qozonishiga sababchi bo’lgan ekan. Savol: nemislar fikricha ikkinchi holat qaysi?<\/strong>
Javob: Portugaliyani 4:0 tarzda mag’luyibatga uchratganliklari.
Izoh: Braziliyada FIFA-14 da guruh bosqichida Portugaliyani shu hisobda yengishgan va keyin oxirida jahon chempioni bo’lishgan edi. Yana Braziliyada Rio-2016 da chorak finalda Portugaliya bilan shu hisob qayd etilgandi.<\/p>\n\n\n\n

5352. Qadimgi rimda quldorlik davrida barcha og’ir ishlarni qullar bajarishgan. Lekin og’ir va nihoyatda sharafli kasb bo’lganki unga qullarni umuman yaqinlashtirmaganlar. Birinchidan qullarni bu ishni qilishlarini oliy tabaqa zodagonlar xohlashmagan ikkinchidan esa agar qul ushbu kasbni egallab qolsa uning narxi 10 barobar oshib ketishini yaxshi bilganlar. Bu yerda qanday sharafli kasb haqida gap ketmoqda?<\/strong>
Javob: Novvoylik.
Izoh: o’sha davrda rim o’zining shirin nonlari bilan dong’i ketgan edi.<\/p>\n\n\n\n

5353. U kishi AQSh Viskonsin shtatida tug’ulgan. U avval ish boshqaruvchi , firma rahbari lavozimlarida ishlgan. 1901 yilda katta bir ixtiroga patent olib, unga o’z nomini bergan. Hozirda bu katta konsernda “Durasell” batereykalari , “Braun” elektr asboblari ishlab chiqaradi . Lekin bu yerda biz uning ilk ixtirosini sanamadik. Uni toping?<\/strong>
Javob: Bu konsernning nomi dunyoga mashhur “Jillet” edi . King Kemp Jillet nomiga berilgan <\/p>\n\n\n\n

5354. XVII-XVIII asrda AnglIyada chorvachilik rivojlangan paytda cho’ponlikga talabgor juda ko’payib ketadi va ishga tanlov orqali olinib bu bora bora musobaqaga aylanadi. Bolg’usi cho’ponlardan shunday harakatlar talab qilinganki bu ommalashib sport turiga aylanib ketgan. Bu qaysi sport?<\/strong>
Javob: To’siqlardan oshib yugurish. (https:\/\/t.me\/Eski_Savollar_Bazasi\/6347?comment=39594)
Izoh: qo’y va echkilar ustidan chaqqonroq oshib yugurish talab etilgan.<\/p>\n\n\n\n

5355. Qadimda bir podshoh bir qancha askarlari bilan asirlarni olib ketayotganida oziq- ovqat oz qolgani ma’lum bo’ladi va bir yerga yetganda asirlarni o’limga hukm qilish uchun hali hechkim ta’tib ko’rmagan mevaning yerga to’kilganlarini yeyishlarini amr etadi. Ular o’lish o’rniga borgan sari quvvatga kirib, kayfiyatlari ko’tarilib yana so’rardilar. Hayron qolgan podsho ham undan tatib ko’radi va unga ham yoqib, har doim ziyofatlari to’riga qo’yishni odat qiladi. Endi blits savol:<\/strong>
1.U qaysi meva edi?
2.Shu yerga to’kilgan mevalaridan tayyorlangan ichimlikni qanday ataymiz?
3.Ziyofatsevar o’sha podshoh nomi bilan bog’liq iborani (mashhur jumla) yozib bering?<\/strong>
Javoblar:
1.Uzum
2.Vino
3.Bazmi Jamshid iborasi<\/p>\n\n\n\n

5356. Diqqat
Tarqatma material!
Siz birinchi rasmda ayollar ko’ylagiga o’xshagan ingliz erkaklar tungi kiyimini ko’rib turibsiz. O’tgan asrda birinchi tufayli qisqa muddatda bu turdagi tungi ko’ylaklar urfdan qoldi. Va ommaviy ravishda erkaklar tunda pijama (2 chi rasm)\u00a0 kiyishga o’tishdi.
Siz bizga savoldagi birinchini yozib bering?<\/strong><\/p>\n\n\n\n

\"\"<\/figure>\n\n\n\n

Javob: Birinchi Jahon urushi
Izoh: Bombardimon tunda bo’lgan vaqtda erkaklar ko’chaga yugurib chiqib boshqalar oldida xijolatga qolmaslik uchun uzun tungi ko’ylaklardan vos kechishgan.<\/p>\n\n\n\n

5357. XVII asrda shoir Servantes o’z qo’li bilan rasm chizadi va bu rasm keyinchalik bir shaxsning tashqi tomoniga asos soldi. Kimga uni rasmi O’xshar edi?<\/strong>
Javob: Qorbobo. Santa Klaus<\/p>\n\n\n\n

5358. Odatda stollarni \u201cP\u201d harfi shaklida yoki \u201cT\u201d harfi shaklida joylashtirishadi. Ba’zan esa \u201cel\u201d shaklida joylashtirilganligiga ham guvoh bo’lishimiz mumkin. \u201cEl\u201d harfi shaklida stollarni joylashtirishlariga nima sabab bo’lgan?<\/strong>
Javob: 50 yillik yubileylar
Izoh: Bu erda lotincha el (L) nazarda tutilmoqda. Ma’lumki, L rim raqami 50 ga teng.<\/p>\n\n\n\n

5359. Aqshda bir ayol juda taniqli bo’lib ketdi.\u00a0
U 2009 yili “X” sababli ginnes rekordlar kitobiga kiritildi.\u00a0
Yoshi katta bo’lib qolayotgani va sog’lig’i yomonlashayotgani\u00a0
uchun doktorlar unga “X” dan voz kechishni tavsiya qilishdi,\u00a0
biroq onaxon bunga ko’nmadi. Sababi u aynan “X” orqali turli\u00a0
reklamalarda suratga tushib, pul topadi.\u00a0
U “X” ni kerakli ozuqa bilan ta’minlashini aytadi\u00a0
Onaxon “X” bilan juda faxrlanadi..
Savol? “X” ni toping??<\/strong>
Javob: Soch<\/p>\n\n\n\n

5360. Janubiy Karolinalik Kosmonavt Ronald Makneyr 9 yoshida ya’ni 1959 – yilda Kutubxonaga tashrif buyurib u yerdan kitobsiz ketishdan bosh tortgani uchun kutubxona ma’muriyati tomonidan politsiyaga murojaat qilinadi.
Biz yuqoridagi matnda ikki harfli so’zni tushirib qoldirdik. Shu so’zni yozib bering?<\/strong>
Javob : Oq
O’sha davrlarda Amerikada irqchilik avjiga chiqqan davrlar hisoblanadi. . Ronald Makneyr esa qora tanli bo’lgan. Savol kirish qismidagi bayroq ham sizga yordam berdi deb o’ylaymiz<\/p>\n\n\n\n

5361. Fridrix tomonidan 1890-yilda Germaniyadagi Apolda shahrida bir-necha it zotini chachishtirish orqali ancha tajovuskor va o’z egasiga sodiq bo’lgan Doberman it zotini yaratadi. Bu kabu yirtqich it zoti unga pul to’la qoplar bilan jinoyatchilar hududidan bezarar o’tish uchun kerak bo’lgan. Chunki, jinoyatchilar uni har doim talon-taroj qilib, jaroxat yetkazar edi. Ammo bu it zoti orqali hech bir insonnning bezorilik qilishga jur’ati yetmas edi.
Savol : Doberman it zotini yaratgan insonning qanday kasbda ishlashini yozib bering?<\/strong>
Javob: Soliq inspektori<\/p>\n\n\n\n

5362. Savol: Siz “chizgan chizig’imdan chiqma” iborasini eshitgansiz, albatta. To’y oldi buvim bilan bir ishni qilayotganimizda, ular bu iborani asl ma’nosida qo’lladilar. Ular chizgan chiziqni uyog’iga ham buyog’iga ham chiqib ketmay bir ish qilishim kerak. Buni ham mehnatkash momolarimiz topishmaganmikan deb o’ylab qoldim. Biz qanday ish bilan shug’ullanayotgandik?<\/strong>
Javob: ko’rpa qavish
Izoh: ko’rpaga paxta solingach, bir tekisda qovish uchun igna uchini matoga botirib uzun chiziq chizib olinadi bir xil oraliq tashlab parallel ravishda<\/p>\n\n\n\n

5363. Sizning qarshingizda BMW hamda Jiguli avtomobillari, shaxmat bo\u2018yicha jahon chempioni Maks Eyve hamda Real Madrid klubi libosida tasvirlangan barchamiz yaxshi taniydigan Zayniddin Zidan rasmlari turibdi.
Endi kutilmagan savol. Siz ushbu rasmlarni birlashtirib turuvchi hafta kunini va oy nomini yozib bering?<\/strong><\/p>\n\n\n\n

\"\"<\/figure>\n\n\n\n

Javob: Rasmda BMW X5 markasi, Jigulining ham 5-markasi tasvirlangan edi. Maks Eyve shaxmat bo\u2018yicha 5-chempion hisoblanadi. Zayniddin Zidan Real Madrid klubida 5-raqamda to\u2018p surgan. Demak, to\u2018g\u2018ri javob: haftaning 5-kuni bu \u2013 Juma, 5-oy esa \u2013 May.<\/p>\n\n\n\n

5364. X giperaktivlik sindromi va autizm bilan og’rigan bemorlar uchun tavsiya qilingan. X ning mashhurligi 2017-yilda shiddat bilan oshib ketdi. Mutahasislar X ni sog’liq uchun ta’sirini 2 xil baholaydi. Biri stressni yengishga yordam beradi desa, yana biri chalg’itadi deyishadi.
Savol : X ni ishlatganingizni hisobga olib uning nima ekanligini yozib bering?<\/strong>
Javob: Spinner<\/p>\n\n\n\n

\"\"<\/figure>\n\n\n\n

5365. XIX asr oxirlarida, aniqrog\u2018i 1889 yili Angliyada qurib qolgan bir olma daraxtini kesib tashlashadi. Bu oddiy hol edi, daraxt qurib qolgandan so\u2018ng kesib tashlanishi tabiiy hol. Lekin negadir ushbu holat butun ommaviy axborot vositalarida keng yoritildi va qattiq tanqid qilindi. Buning sababi nima edi?<\/strong>
Javob: Ushbu olma daraxti, Nyutonnning boshiga tushgan olma daraxti edi.<\/p>\n\n\n\n

5366. Bu davlat o’zining shaxsiy kalendariga ega bo’lib, U yerda 1 yil 13 oydan iborat. Bu qaysi davlat?<\/strong>
Javob: Bu davlat Efiopiya<\/p>\n\n\n\n

5367. Germaniyada qurilish boshlashdan avval yer osti va yer ustidan ULARNI izlashadi va ULAR topilmasagina qurilishni boshlashadi. Bu xavfsizlik kafolati deya baholanadi. Yana shuni aytishimiz mumkinki ULARning bu yilgi yoshi 80 atrofida.
Savol: Ularni 3 so’zda yozib bering?<\/strong>
Javob: Portlamay qolgan bombalar!
Bilamizki ikkinchi jahon urushi davrida nemislar tomonidan bosib olingan Yevropaga 2.7 million tonna bomba tashlangan. Va hozirgi kunda ham yiliga o’rtacha 2000 tonna Portlamay qolgan bombalar topiladi <\/p>\n\n\n\n

5368. Silvester Stalonni o’z vaqtida rasmdagi kuchugini 40 dollarga sotgan. Vaqt o’tib boyib ketgach u kuchugini qayta 15000 dollarga sotib olgan.
Bu faktni o’qigan savol mualifi (ya’ni men) bir maqolni eslab qo’ydim. Bu maqolni Real Madrid klubi so’ngi o’yinlarda o’tkazib yuborayotgan bir necha gollariga sababchi bol’ayatgan futbolchilarga qarata aytsa bo’ladi.
Diqqat savol: Bu maqolni yozib bering?<\/strong>
Javob: O’zingdan chiqqan baloga, qayga boray davoga
Izoh: O’z iti uning o’ziga qimmatga tushdi. Real Madrid tarbiyalanuvchisi Xose Munos esa Almeriya safida Real darvozasiga gol urib ketgan edi.<\/p>\n\n\n\n

5369. Aslida vatani O’rta Osiyo bo’lsada, uni negadir Qadimgi Rossiya bilan bog’lashadi. U qadimdan shunchalik mashhurki, u haqida turli afsonalar mavjud. Ularda ta’kidlanishicha, u turli yovuzliklar va yomon ko’zlardan asraydi. Qadimgi Misrda piramidalar quruvchilariga u berilgan. Shuningdek, u tib olamida ham mashhur. Masalan, XVIII asrlarda Fransiyada u o’lat kasalligiga qarshi ishlatilganligi uchun “to’rt o’g’ri( ba’zi manbalarda esa mahbus) ichimligi” kabi ta’rifni olgan. Savol: agar siz “u” nimaligini topgan bo’lsangiz, uning nima ekanligini emas, balki, tarjimasi “u” bo’lgan AQSH shaharlaridan birining nomini toping?<\/strong>
Javob: Chikago edi.
Mahalliy hindularining “shikaakwa” ya’ni “yovvoyi sarimsoq” so’zining fransuzlar tomonidan o’zgartirilgan varianti edi. Savoldagi “u” esa sarimsoq piyoz. Savoldagi “ichimlik” esa sarimsoq piyozning pivo yoki sirkadagi nastoykasi edi.<\/p>\n\n\n\n

5370. Misr, Suvaysh kanali, Eyfel, AQSh, “yetti qit’a”, rim raqamlari, Manxetten va Grover Klivland. Siz esa ushbu so’zlarni birlashtirib turuvchi alfa ni toping. Yordam sifatida shuni aytish mumkinki, alfa ayol kishi bilan bog’liq?<\/strong>
Javob: alfa bu Ozodlik Haykali.
Izoh: Uning yaratuvchisi Frederik Ogyust Bartold Misrning yangi qurilayotgan Suvaysh kanali un mash’ala tutgan Mitraning haykalini qurmoqchi bo’ladi, lekin uning g’oyasi amalga oshmaydi. Shuningdek, uning yaratilishida mashhur injener Gyustav Eyfel muhim ahamiyat kasb etgan. Yana unga “yetti dengiz va yetti qit’ani birlashtirgan nur” deb ham ta’rif berishadi. Ozodlik haykali Manxetten yaqinidagi Berlou orolida joylashgan bo’lib, 1886-yil haykalning ochilishida AQSh prezidenti Klivlend ishtirok etgan. Rim raqamlariga kelsak, haykal qo’lidagi taxtachada esa AQShning ozodlikka erishgan kuni rim raqamlarida yozilgan.<\/p>\n\n\n\n

5371. Bir o’gitda keltirilishicha qilmagan ishingiz uchun kechirim so’rash X ekan. Kimnidir ishonchini yo’qotishdan keyingi mulozamat esa Y.
X va Y ni topgan bo’lsangiz, bizga aslida Y ga ko’p “ega” bo’lishi kerak bo’lgan, biroq yakunda “hurmat” qozongan o’zbekning ism-sharifini ayting?<\/strong>
Javob: Ravshan Ermatov
Izoh: X gunoh, Y haqorat.
Eng ko’p haqoratga “ega” bo’luvchi kasb – hakam.
2014-yil 25-iyulda “el-yurt hurmati” ordeni bilan taqdirlangan.<\/p>\n\n\n\n

5372. Bitta mashhur asarda dasturxon atrofida o’tirgan mehmonlarga eshittirilgan xabarning muallifi X edi. Shuningdek X ismli yigit Angliya terma jamoasida debyut qilganida 18 yoshida edi. Qo’lingizdagi suratda ham siz X ni ko’rib turibsiz. X ni toping?<\/strong><\/p>\n\n\n\n

\"\"<\/figure>\n\n\n\n

Javob: Gap bu yerda Agata Kristining “O’nta negr bolasi”\u00a0 asaridagi anonim qahramon, Angliyalik “tilla bola”, 21-martda 20-aprelgacha bo’lgan davrni o’z ichiga oluvchi qo’y burjining lotin tilida aytilishi haqida edi.
To’g’ri javob; Oven.<\/p>\n\n\n\n

5373. Robindranat Tagorning bir hikoyasida bir o’xshashlik ko’rsatilgan, ya’ni: Podshox bilan u o’rtasida bir o’xshashlik bor. Har ikkisi ozod Har ikkisi o’z saltanatining yagona hukmdori, na unisi na bunisi hech kimning qonuniga bo’ysunmaydi.
Podshoxga taqqoslangan uni toping?<\/strong>
Javob: U- O’RMON
Robindranat Tagor: ” Daliya” hikoyasi<\/p>\n\n\n\n

5374. Fors shoiri Sadiiy shunday jumlalarni aytgan
Alfa xazinaning kalitidir. Eshik qulfi ochilmaguncha u yerda qimmatbaho toshlar yoki keraksiz axlatlar borligini hech Kim bilmaydi
Savol Sadiiy Alfa deganda insonning qaysi azosini nazarda tutgan?<\/strong>
Javob: til<\/p>\n\n\n\n

5375. Yapon kemalaridan biri uzoq sayohatdan so’ng qirg’oqqa qaytar ekan, kapitan yuvinib olmoqchi bo’libdi. Shu maqsadda qo’lidagi qimmatbaho Rolex soati va olmos qadalgan bilakuzugini yechib, javonga qo’yibdi. Qaytgach esa ikkalasi ham joyida yo’qligini bilibdi hamda darhol kemaning 4 ta turli millatga tegishli bo’lgan a’zolarini chaqirib, o’sha paytda nima qilganliklarini so’rabdi. Ularning javoblari quyidagicha edi:<\/strong>
1.Oshpaz: oshxonada edim, sendvich tayyorlayotgandim.
2.Injener: generatorning oldida edim, uni tekshirayotgandim.
3.Matros: palubaga ilingan bayroq teskari bo’lib qolgan ekan, to’g’irlab qo’ydim.
4.Yordamchi: charchagan ekanman, uxlab qolibman.
Bu gaplarni eshitib, kapitan kim aybdor ekanini darhol fahmlabdi. Savol: sizningcha o’g’ri kim izohi bilan qabul?<\/strong>
Javob: o’g’ri – matros.
Izoh: Yaponiya bayrog’i teskari (xoh vertikal, xoh gorizantal) bo’lib qolsada uning qiyofasi o’zgarmaydi. Shuning uchun, bayroqning teskari yoki o’ng ekanligini aniqlashning iloji yo’q<\/p>\n\n\n\n

5376. Bir necha yil oldin viloyatlarimizdan birida qurib bitkazilishi ko’zda tutilgan oddiy binolardan birining nomlanishi (peshtoqidagi yozuv) aholi o’rtasida uning faoliyatini 2 xil talqin qilishga sabab bo’ldi.
Kimlardir BU QURILISH MOLLAR DO’KONI bo’ladi (yakunda ham xuddi shunday bo’lib chiqdi) desa,
yana kimlardir BU YO “INTERNET CAFE” YOKI IJTIMOIY TARMOQLARDAN BIRIDAGI MUAMMOLARNI BARTARAF ETUVCHI JOY degan fikrda bo’ldilar.
Siz bizga o’sha yozuvni aniq yozib bering?<\/strong>
Javob: MasterOK
Izoh: Masterok qurilishda ishlatiladigan ish quroli.<\/p>\n\n\n\n

5377. Ikkinchi Jahon urushi davrida Amerika armiyasi bitta “Bolakay” va “Baqaloqqa o’xshaganlarni umumiy qilib bir so’z bilan atashgan. Urush tugagach esa bu so’z kinomatagrafiya san’atiga ko’chib o’tib juda keng miqyosli dahshatli mashhurlikka erishgan filmlarga nisbatan qo’llanila boshlangan.
Savol: Gap qaysi so’z haqida ketayotganini aniq yozib bering?<\/strong>
Javob: Blockbuster
Qabul: Blokbaster
Amerika armiyasida butun bir shaharni yo’q qila oladigan bombalar Blokbasterlar deb atalgan. Bilamizki Baqaloq va Bolakay Xirosima va Nagasakini yo’q qilgan bombalardir.<\/p>\n\n\n\n

5378. “X” va “Y” ning shakli ham, vazifasi ham turlicha. Ularni faqat tarixda bir “maqsadda” foydalanilganigina bog’lab turadi. “X” qadimdan, “Y” esa yaqindan bu maqsadda qo’llanila boshladi. “X” avvallari ruslarda “qo’rquv, dahshat” uyg’otgan, bizda esa u “qul savdogarlarining quroli” . “X” dan bu maqsadda bir odam foydalana oladi, “Y” dan esa bir odam foydalanishi taqiqlangan!\u00a0
Savol: Bu ikki odamning ismini ayting?<\/strong>
Javob: YALMOG’IZ \u00a0KAMPIR va \u00a0RAIS OTA (bobo).
“X” – “Supurgi”, “Y”- ” Ketmon”\u00a0
Ruslarda oprichniklar otiga supurgi va it kallasini osib yurishgan. Bizda esa u “qul savdogarlari” yani eshigingizga “qulchilikka” kelib ostonangizni supuradigan sovchilarning “quroli”!\u00a0
Supurgida faqat Yalmog’iz kampir uchishi mumkin. Ketmonda esa faqat Rais ota uchishi mumkin emas!<\/p>\n\n\n\n

5379. Bu buyum avvallari faqat bir maqsadda ishlatilardi ya’ni vazifasi bitta edi. Hozirgi kunga kelib esa texnika rivoji bu buyumni 2 maqsadda foydalanishga qulay qilib qo’ydi. Biz bu buyumni ko’p ko’rganmiz, uyda do’konda. Xatto ular reklamasida ham 2v1 ( ikkitasi birda) yozuvini ko’rishimiz mumkin.
Savol: Hozirgi kunda barchamizga kerak bu buyumni ikkinchi vazifasi, qulayligi nima?<\/strong>
Javob: Zaryadchik.
Ikkinchi vazifasi: USB kabel. Ya’ni mobil qurilmani boshqa aparaturalarga ulash.
Uning birinchi vazifasi telefon quvvatlash.
Hozirgi kundagi zaryadchiklarda 2v1 da<\/p>\n\n\n\n

5380. Djordj Bernarddan so’rashdi yaxshi yozuvchi bo’lish uchun qanday yozish kerak. Uning javobi ayting?<\/strong>
Javob: yaxshi yozish uchun chapdan o’ngga qarab yozish.<\/p>\n\n\n\n

5381. Jonni Depp Moskvadagi yapon restoranlarida bo’lganida afitsant yoniga kelib, -“ichishga nima? Vino vodka yoki viski?” -deb so’raydi. Depp sal o’ylanib-” men ichmayman”- deb ammo yuqoridagi ichimliklar bilan bog’liq salat olib kelishini aytadi, afitsant qanday salat ekanligini bilmasada salatga shunday bir ko’rk beradiki, Depp uni mahorati va aqliga qoyil qoladi
Savol: Afitsant Deppni qoyil qoldirishni qanday eplaydi?<\/strong>
Javob: Salatni Ko’katlarni??belgilar ko’rinishda bezaydi.
Izoh: Salat nomi “Sezar”
Vino vodka viski so’zlari esa Sezarning mashhur “Veni vidi vici” so’zlariga mos edi !<\/p>\n\n\n\n

5382. Bunday uskunaning eng kattasi Germaniyada joylashgan bo\u2018lib, bo\u2018yi 5 metr, diametri 1 metr, og\u2018irligi 1 tonna. Savol, ushbu uskunada nimalarning soni 640 mln. donani tashkil qiladi?<\/strong>
Javob: qum donalari
Bu qumsoat edi<\/p>\n\n\n\n

5383. Dengizchilarni aytishicha bu kema matroslari kasallikga yo’liqqani uchun hech qaysi davlat qirg’oqqa chiqishga ruhsat berishmaydi savol bu kema qaysi davlatga tegishli?<\/strong>
Javob: Uchar gollandlar Gollandiya.<\/p>\n\n\n\n

5384. Hammamizga ma’lumki qadimgi Misrda odamlar va bir qancha muqaddas hayvonlar mumiyolanib dafn qilinishgan. Ular yer osti dunyosida yashashlari uchun nima kerak deb hisoblansa shularni ham qo’shib dafn qilishgan. Masalan oziq ovqat albatta marhumlar och qolmasligi uchun, xanjar qurol va boshqalar\u2026.
Diqqat savol: mushuklar bilan yana nimalar qo’shib dafn qilinganini ikki so’zda yozib bering?<\/strong>
Javob: Sichqon mumiyolari yoki Mumiyolangan sichqonlar!
Albatta mushuklar och qolmasliklari uchun<\/p>\n\n\n\n

5385. Tibbiyot otasi sanalmish Gippokrat o’zining tibbiyotga bag’ishlab yozgan asarlarining birida shunday deydi:
“Dunyo ilmlarini o’rganish huddi sahroda igna bilan quduq qazishga barobar bo’lsa, bu ilmlardan tibbiyot ilmini o’rganish esa sahroda alfa bilan quduq qazishga barobardir” degan edi. Alfa nima ekanligini aniqlang?<\/strong>
Javob: Kiprik
Izoh: Ilm o\u2018rganishning mashaqqati sahroda igna bilan quduq qazishga qiyos qilinsada boshqa ilmlar orasidan o\u2018rganilishi qiyin, egallashi mushkul bo\u2018lganidan tibbiyot ilmi huddi kiprik bilan quduq qazishga o\u2018xshatiladi.<\/p>\n\n\n\n

5386. Ulug’ vatan urushida o’zmi ko’pmi itlar ham o’z xissasini qo’shishgan ekan urush vaqtida SSSR da askarlar ko’chada yurgan daydi itlarni ham olib ketishgan va ularni urushga bir ishni qilishga o’rgatishga tayyorlashgan Savol: itlarni nimaga o’rgatishgan va urushda qanday yordam berishgan?<\/strong>
Javob: Itlarni yurib kelayotgan tanklarni tagiga yugurib kirishga o’rgatishgan. Buning uchun itlarni och qo’yib tanklarni tagiga ovqat qo’yishib o’rgatishgan urush vaqti itga granata osib qo’yib yuborishgan it tankni tagida ovqat bor deb yugurib borgan.<\/p>\n\n\n\n

\"\"<\/figure>\n\n\n\n

5387. Hikoya: Nihoyat, bu xilvat, ovloq qishloqda uning qidiruvlari yakunlandi. Chirib, to\u2018kilay deb qolgan xarob kulbada miltillab turgan olov yonida alfa o\u2018tirardi. U umrida hech qachon bundayin qari va badbashara ayolni ko\u2018rmagan edi.
\u2014 Siz alfa misiz?
Qartaygan, burushiq alvasti tantanavor bosh silkidi.
\u2014 Ayting-chi, men insoniyatga siz haqingizda bildirishim kerakmi? Ularga qanday xabarni yetkazay?
Kampir olovga tupurdi-da, javob berdi:
\u2014 Ularga meni yosh va sohibjamol deb ayt!
Savol: alfa nima?<\/strong>
Javob: alfa-bu: Haqiqat
Izoh: Robert Tompkins- Haqiqatni qidirib (hikoya)<\/p>\n\n\n\n

5388. Qisqa savol
Tulin, Petrov, Karpov, Ivanov, Silin\u2026 Bu ro\u2019yhatda yana kim yetishmayabdi?<\/strong>
Javob: Lenin
Izoh: Bu yozilganlar uning tahalluslari!<\/p>\n\n\n\n

5389. Volterning uni “Tarixning katta opasi” deyishadi qandaydir mubolag’a bordek tuyuladi. Balki o’zi shu sohani yoqtirgani uchun manashu iborani qo’llagandir. Ammo u har sohada zarur oshpazgayam qandolatchigayam adabiyotchigayam kerak. Uolt Disney birinchi oskarini ham shu nomdagi multfilm uchun olgan. Savol yuqoridagi ta’rif nimaga nisbatan berilmoqda?<\/strong>
Javob: Fantaziya<\/p>\n\n\n\n

5390. Egizaklardan biri falokatga uchragach undan omon qolgan 700 nafar odamni olib ketayotgan “Karpatiya” dan tirik Egizak omon qolgan odamlarni o’zi bilan olib ketish taklifini karpatiya sardoriga beradi. Lekin “Karpatiya”lik sardor omon qolgan odamlar tirik egizakni ko’rib vahimaga tushishlaridan cho’chib taklifni rad etgan.
Savol: Biz yuqorida tilga olgan egizaklarning ikkisini ham yozib bering?<\/strong>
Javob: Olimpik va Titanik<\/p>\n\n\n\n

\"\"<\/figure>\n\n\n\n

5391. Bernard biz qushlar kabi uchishni o’rgandik. Biz baliqlar kabi suvda suzishni o’rgandik. Endi biz faqat bir narsani o’rganishimiz kerak. Nimani?<\/strong>
Javob: Yerda odam bo’lib yashashni o’rganishimiz kerak.<\/p>\n\n\n\n

5392. Yaqinda Ruminiya arxeologlarining tadqiqotlari shuni ko\u2018rsatdiki, 7-8 ming yillar oldin odamlar uni quyidagi usulda olishgan ekan: gulxan yoqishgan, so\u2018ngra gulxanga suv sepishgan. Aytingchi, mazkur usulda ular qanday mahsulot olishgan?<\/strong>
Javob: Tuz. Gulxanga dengizning sho\u2018r suvi sepilgan va suv bug\u2018lanib, undan tuz ajralib chiqqan.<\/p>\n\n\n\n

5393. Bu “mamlakatning” paydo bo’lganiga bor yog’i 5-10 yil bo’lgan bo’lsayam butun dunyoda o’z o’rniga ega. Bu mamlakat unchalik katta bo’lmasa ham ko’pchilik uning nomini eshitgan. Bu mamlakatda eng mashhur va ommabop kasb quruvchidir. Unga doim ish topiladi. Eng rivojlangan sport turi esa Bovling. Bizda afsonaviy qush Humo bo’lsa ularda esa Ajdardir. Sizga yordam berib shuni aytishim mumkinki, orangizda bu mamlakatga “tashrif buyurganlar” ham bo’lsa ajab emas. Diqqat savol: Menga o’sha “mamlakat” nomini yozib bering ?<\/strong>
Javob: Clash of clans
Izoh: bu o’yinda quruvchi ajdar va bowler (ya’ni bovlingchi) kabi askarlari mavjud<\/p>\n\n\n\n

5394. Yunonistonlik Gippokrat xirurgiyaga asos solgan. Gippokrat yiringli jarohatlarni davolash, qon to’xtatish usullarini ishlab chiqqan. U operatsiyaga tayyorgarlik ko’rishda ozodalikka qat’iy rioya qilish va qanday suvni ishlatishni tavsiya etgan?<\/strong>
Javob: Toza yomg’ir suvini<\/p>\n\n\n\n

5395. Bilamizki hozirgi yoshlar har xil “nickname” larni o’zlariga taxallus sifatida tanlashmoqda bazi yoshlar esa chuqur o’ylamay X ni o’ziga taxallus qilib olmoqda bunga sabab esa bir film bo’lgan bu film yangi Emas va hind filmi ekanligini hisobga oling
Yana yordam sifatida aytishim mumkinki X-haqida yana bir Hollywoodning seriali ham bor u darajada mashhur emasdir ammo Shunday serial yaratilgan
Yuqoridagi ma’lumotlarni o’qigan bo’lsangiz x ning qancha vaqti qolganini ayta olasizmi?<\/strong>
Javob: X-Lucifer ya’ni shayton
Hind filmi Ravan bu filmda o’yinchi bolaning taxallusi Lucifer edi.
Yaqinda Hollywoodning Lucifer degan serialining birinchi fasli disklarda paydo bo’ldi
Aniq javob esa: Qiyomatgacha
Dinimizdan ma’lumki shaytonga qiyomatgacha muhlat berilgan.<\/p>\n\n\n\n

5396. O’zlari kasal bo’lsa ham bu kasallikga chalinganlar harakat faolligiga ehtiyoj sezib, birov izidan quvlayotganday majburan bir necha chaqirim yo’l bosar ekan. 1979 yili aniqlangan bu kasallikga olimlar nima deb nom berishgan?<\/strong>
Javob: IO sindromi\u00a0
IzoH: Yunon xudosi Zevs shox qizi Ioni sevib qoladi, bundan xabar topgan xotini Gera Ioni sigirga aylantirib orqasidan katta qovoq arini jo’natadi.<\/p>\n\n\n\n

5397. Daria ismli qiz o’z sahifasiga qiziqarli bir post joylaydi sahifada aytilishicha qiz uni o’rgangandan so’ng yomg’ir ostida uhlay olmayaotganligi aytilgan.
Savol u o’rnidagi so’zni ikki so’zda yozib bering?<\/strong><\/p>\n\n\n\n

Javob: Morze alifbosi<\/p>\n\n\n\n

5398. “U” ning lotincha nomini tarjima qilar ekanmiz, “xalq” degan ma’noga ega ekanligini ko’ramiz. Afsonalarga ko’ra Zevs va Gerakl Aidning qarorgohiga aynan unda tushadi. U yunonlar uchun muqaddas, zero ular Faetonning opalaridir. Umuman olganda, u bilan bog’liq ko’pgina mif-asotirlar g’amginlik va o’lim bilan bog’liq. Bizda esa juda kerakli va muhim hisoblanadi. U sanoatda keng qo’llaniladi. Hattoki, undan etil spirti olinishi ham bor gap ( manbasi Wikipedia). Qo’shimcha ma’lumot sifatida aytish mumkinki, Sobiq Ittifoq davrida olingan film ham uning nomi bilan bog’liq ( Toshkentdagi zilzila haqida).
Savol: yuqorida gap ketgan “u” nima?<\/strong>
Javob: “U” – terak.
Izoh sifatida aytish mnki, lotinchada terak “populus” (“xalq”) deb aytiladi. Shuningdek, u yog’och, mebel, qog’oz va etil spirti, chorva un ozuqa olish un foydalaniladi. Toshkent zilzilasi haqidagi kinofilm esa “13 terak ko’chasi” deb nomlanadi (1969-70)<\/p>\n\n\n\n

5399. Yangi Zelandiya regbi jamoasi har o’yindan oldin bajaradigan an\u2019anaviy raqsni oxirida BU ISHNI qiladi. BU ISH papuaslarning milliy raqsini asosiy tarkibiga kiradi. Sal kam yuz yil oldin Nobel mukofoti sovrindori \u00a0BU ISHNI qilganini hammamiz yaxshi bilamiz. BU ISHni toping?<\/strong>
Javob: Bu Eynshtenni mashhur tilini chiqargan surati edi, narigilar ham shunday qilishar ekan <\/p>\n\n\n\n

5400. U “O’z ishi” bilan shug’illanganda xotini doim “Iltimos uyimizdagi narsalarni sindirmang” deydi.\u00a0
Savol: U kim?<\/strong>
Javob: Ip Man.
Ip Man haqidagi filmlarda u o’z uyida jang qilmoqchi bo’lsa xotini doim qimmat baho jihozlarni yig’ishtirib yuradi. Ip Man Brus Lini ustozi<\/p>\n","protected":false},"excerpt":{"rendered":"

Savol javoblar t.me\/Eski_Savollar_Bazasi telegram kanalidan olingan. 5301. S.I.Vayl ma’ruzalarining birida Xning o’rniga adashib qora mushukni eslatib o’tadi. X Polshaliklarning mashhur maqolining analogida aytib o’tilgan va u dangasalikni bildiradi. X ning … Read More<\/a><\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-136909","page","type-page","status-publish","hentry","entry"],"translation":{"provider":"WPGlobus","version":"3.0.0","language":"kr","enabled_languages":["uz","kr","ru"],"languages":{"uz":{"title":true,"content":true,"excerpt":false},"kr":{"title":false,"content":false,"excerpt":false},"ru":{"title":false,"content":false,"excerpt":false}}},"_links":{"self":[{"href":"https:\/\/milliycha.uz\/kr\/wp-json\/wp\/v2\/pages\/136909","targetHints":{"allow":["GET"]}}],"collection":[{"href":"https:\/\/milliycha.uz\/kr\/wp-json\/wp\/v2\/pages"}],"about":[{"href":"https:\/\/milliycha.uz\/kr\/wp-json\/wp\/v2\/types\/page"}],"author":[{"embeddable":true,"href":"https:\/\/milliycha.uz\/kr\/wp-json\/wp\/v2\/users\/1"}],"replies":[{"embeddable":true,"href":"https:\/\/milliycha.uz\/kr\/wp-json\/wp\/v2\/comments?post=136909"}],"version-history":[{"count":3,"href":"https:\/\/milliycha.uz\/kr\/wp-json\/wp\/v2\/pages\/136909\/revisions"}],"predecessor-version":[{"id":137327,"href":"https:\/\/milliycha.uz\/kr\/wp-json\/wp\/v2\/pages\/136909\/revisions\/137327"}],"wp:attachment":[{"href":"https:\/\/milliycha.uz\/kr\/wp-json\/wp\/v2\/media?parent=136909"}],"curies":[{"name":"wp","href":"https:\/\/api.w.org\/{rel}","templated":true}]}}