ARYAVARTA

ARYAVARTA (“oriylar mamlakati”) — shimoliy Hindistonning Markaziy qismining qadimgi hindlar tomonidan atalishi. Qadimgi hindlarning tasavvuricha, Aryavarta mamlakatida Hindistonning boshqa xalqlariga qaraganda “olijanob” kishilar yashagan. Bunday qarashlar bejiz bo’lmagan, albatta, chunki Hindistonning aynan mana shu qismi qadimgi hind tamadduni (tsivilizasiyasi)ning o’chog’i, Mauriyalar davlati joylashgan o’lka bo’lgan. Bu yerda Brahmanizm, buddizm va jaynizm kabi dinlar shakllangan, unda yashagan xalqlarning adabiy tillari — Sanskrit va pali — butun Hindistonning adabiy tiliga aylangan.