YOPISHQOQ O’T

YOPISHQOQ O’T (Lappula gilib) — govzabondoshlar oilasiga mansub bir va ko’p yillik o’simliklar turkumi. Guli havorang, ko’k, ba’zan oq. Mevasi g’adir-budur, uchi ilmoqchali o’simtalar yoki dag’al tuklar bilan qoplangan. Yer yuzida 50 ga yaqin turi bor. Shundan 19 tasi O’zbekistonda cho’l, adir va tog’ zonalaridagi quruq, ayniqsa qum va shag’alli yerlarda, yo’l yoqalarida o’sadi. Ayrim turlari ekinlar orasida begona o’t holida uchraydi.