“O’ZBEKISTON-178”

“O’ZBEKISTON-178” — o’rtapishar pomidor navi. O’zbekiston sabzavot, poliz ekinlari va kartoshkachilik ilmiy tekshirish institutida 107D,D2D3 DAK kollektsiya namunasidan tanlov usuli bilan chiqarilgan (E.V.Yermolova). Tupi ixcham, serbarg. Mevasi yumaloq, og’irligi 120— 160 gramm, issiqqa chidamli. Tarkibida 5,6% quruq modda va 3,2% qand bor. Ko’chati ekilganidan keyin birinchi hosili 120-125 kunda pishadi. Hosildorligi 650-700 tsentner/gektar. Saqlashga va tashishga chidamli. 1985 yildan Farg’ona vodiysi Viloyatlarida ekish uchun davlat reestriga kiritilgan.