ERBELO

ERBELO, Erblo de Molenvil Bartelemid (1625.14.2—1695.8.12) frantsuz sharqshunosi. Parijda tug’ilgan va shu yerdagi universitetda (klassik tillar va filologiya) o’qigan, ayni vaqtda Sharq tillarini mustaqil o’rgangan. 1692 yildan Parij universitetida suryoniy tillar professor Erbelo Sharq tillari va Sharq mamlakatlari tarixini ilohiy aqidalardan xoli ravishda mustaqil fan sifatida o’rgangan evropalik birinchi sharqshunoslardan hisoblanadi. U mashhur “Sharq kutubxonasi yoxud Universal lug’at” (8600 maqola) entsiklopediyasi muallifi bo’lib, asarda musulmon Sharqi tarixi va adabiyotiga doir Arab va fors manbalaridan (asosan, Mirxond, Abulfido, Xoji Xalifa va boshqalar) olingan keng ma’lumotlar joy olgan. Erbelo entsiklopediyasi, I.Yu.Krachkovskiyning so’zlariga ko’ra, 18-asrga qadar sharqshunoslikka doir barcha bilimlarning yakuni bo’lgan.