YESIPOV IVAN NILOVICH

YESIPOV IVAN NILOVICH (1901.4.2 — Toshkent — 1963.6.10) — opera xonandasi (bas), O’zbekiston xalq artista (1952). To’liq diapazonli, yoqimli ovoz sohibi. Moskva va Tbilisi konservatoriyalarida o’qigan. Toshkent rus opera va balet teatri (1939-48), Navoiy nomidagi opera va balet teatri (1948— 60) yakkaxoni. Alovuddin Shoshiy (A. Kozlovskiy, “Ulugbek”), Boris Godunov (M. Musorgskiy, “Boris Godunov”), Ivan Susanin (M. Glinka, “Ivan Susanin”), Gremin (P. Chaykovskiy, “Evgeniy Onegin”), Storojev (T. Xrennikov, “Bo’ronda”), Mefistofel (Sh. Guno, “Faust”), Nilikanta (L. Delib, “Lakme”) va boshqa partiyalarni mahorat bilan ijro etgan.