G’IJJAKDOSHLAR

G’IJJAKDOSHLAR — g’ijjaknamolar qabilasiga mansub oila. Asosan, ko’p yillik ildizpoyali o’tlardan iborat. Yer yuzida 2 turkumga kiradigan 100 ga yaqin turi tarqalgan. O’zbekistonda G’ijjakdoshlarning g’ijjak turkumiga kiruvchi 11 turi o’sadi. Poyalari shoxlangan. Barglari ingichka, qalami, nashtarsimon, uzunligi 1,5 santimetrdan 50 santimetrgacha. Gullari mayda, ko’rimsiz, 2 jinsli, gulqo’rg’oni yo’q. Changchi va urug’chilari 4 tadan. May—sentabrda gullab meva beradi. Mevasi yong’oqchasimon.