“IMON”

“IMON” — kinostudiya; ijodiy ishlab chiqarish birlashmasi. 1991 yil Toshkent shahrida tashkil etilgan. Tashkilotchilari Jasur Ishoqov va Rustam Sa’dullayev. “Ketma”, badiiy filmi (1992), “Oltin tulpor la’nati”, “Ko’rish qobiliyati” (1998) kabi televizion videofilmlar va boshqalar suratga olingan. “Ketma” badiiy filmi Toshkent xalqaro kinofestivalida maxsus sovringa sazovor bo’lgan. Badiiy rahbari — Jasur Ishoqov.