YAKANTOVUQ

YAKANTOVUQ, o’rmon loyxo’ragi — rjankasimonlar (loyxo’raklar) oilasiga mansub qush. Gavdasining uzunligi 35 santimetrga yaqin. Rangi uni o’rmon to’shalmasi ustida ko’zga tashlanmasligiga imkon beradi. Yevrosiyoning o’rta mintaqalaridagi aralash va keng bargli botqoqlashgan o’rmonlarda yashaydi. Erkagi bahor kunlari ertalab va kechqurunlari sayraydi. Ko’zi boshining keyingi qismiga va tepaga birmuncha surilgan; — tumshug’i uzun va baquvvat bo’lib, o’rmon to’shalmasi ostidan oziq qidirishta moslashgan. Turli umurtqasizlar bilan oziqlanadi. Sport maqsadida ovlanadi. O’zbekistonda qushlar uchib o’tish davrida uchraydi.