YALQOVLAR

YALQOVLAR — chala tishlilar turkumiga mansub sut emizuvchilar oilasi. Gavdasining uzunligi 50-65 santimetr, og’irligi 4-7 kilogramm. Boshi 270° gacha burilishi mumkin. Oldingi oyoqlari orqa oyoqlaridan uzun. Barmoqlari 2 yoki 3 ta, o’zaro yopishgan, tirnoqlari uzun va egilgan. Tanasining yunglari qorin tomondan orqasiga qayrilgan. Tana harorati tashqi muhit haroratiga qarab 24° dan 35° ga o’zgarib turadi. 2 uruqqa mansub 5 turi Markaziy va Janubiy Amerikada tarqalgan. Yalqovlar daraxtda yashaydigan kam harakat hayvonlar. Odatda, daraxt shoxlarida orqasi pastga qarab osilib turadi. O’simlikxo’r. Yilda 1 bola tug’adi. Go’shti, terisi va bezak sifatida ishlatiladigan tirnoqlari uchun ovlanadi. Soni kamayib ketmoqda. Bo’yinbog’li yalqov Tabiatni muhofaza qilish xalqaro Ittifoqi qizil kitobiga kiritilgan.