ALQOSIMOVA

ALQOSIMOVA Odashxon Turg’unovna (1957.19.2, Andijon tumani) — O’zbekiston Respublikasi xalq o’qituvchisi (1995). Andijon tillar pedagogika institutining chet tillar fakultetini tugatgan (1979). 1979 yildan Qorasuv shahridagi 2-maktabda, keyinchalik 6-maktabda ingliz tili o’qituvchisi. Alqosimova harakati bilan maktabdagi ingliz tili kabineti hozirgi zamon talabi darajasida jihozlangan. U o’quvchilarning faolligini oshirish maqsadida turli mavzularda ingliz tilida noan’naviy darslar olib boradi.