PAGUOSH HARAKATI
PAGUOSH HARAKATI – olimlarning tinchlik, qurolsizlanish, xalqaro xavfsizlik va ilmiy qamkorlik uchun yo’naltirilgan ijtimoiy harakati. Tashabbuskorlari (1955): A.Eynshteyn, F.Jolio-Kyuri, B.Rassel. Paguosh harakati tarafdorlarining birinchi konferensiyasi 1957-yilda Paguosh shahrida (Kanada) bo’lgan. Paguosh harakati qat‘iy ro’yxatga olingan a‘zolarga ega emas. Konferensiyalari yiliga bir-ikki marta chaqiriladi. Ularda yadro urushining oldini olish, keskinlikni yumshatishni chuqurlashtirish va unga qaytarilmaydigan xarakter berish, rivojlanayotgan mamlakatlar muammolari kabi va boshqa muhim masalalar muhokama qilinadi. Paguosh harakatining qarorgohi London shahrida joylashgan.