SUBYEKT

SUBYEKT (lot. subjectus – amaliy faoliyat tashuvchisi) — faol faoliyat ko’rsatuvchi, biluvchi, ong va irodaga ega bo’lgan individ yoki ijtimoiy guruh. Subyekt bilan ob‘yektning o’zaro aloqadorligi asosida ijtimoiy-tarixiy amaliyot yotadi. Subyekt hisoblangan individ va uning ongi ham tadqiqot ob‘yekti bo’lib kelishi mumkin. Individ Subyekt sifatida jamiyatning bir a‘zosi, tarixiy jarayonning bir vakili sifatida u mansub bo’lgan jamiyat a‘zolariga xos bilimlarga ega va shu nuqtai nazardan olamga qaraydi. Ob‘yektsiz sub‘yektni, sub‘yektsiz ob‘yektni tasavvur etib bo’lmaydi. Politologiyada alohida shaxs, tashkilot, guruh, sub‘yekt bo’lishi mumkin. Sub‘yekt bir qancha sifatlarga ega bo’lishi mumkin: iroda, mas‘ulyatni zimmasiga ola bilish, malakaviylik, resurslarga egalik, avtoritet, intizom.