Doj

Doj (italyancha doge, lotincha dux-sardor, yo’lboshchi so’zidan)-italyan dengiz respublikalari: Venetsiya (VII asr oxiri-XVIII asrlar), Genuya (XIV-XVIII asrlar) va Amalfida davlat rahbari unvoni. Venetsiya respublikasida o’n asrdan ortiqroq vaqt davomida mavjud bo’lgan. 697 yili Venetsiya hali rasman Vizantiyaga bo’ysungan paytda yuzaga kelgan. 1-Doj Paulo Luchio Anafesto hisoblanadi. Dastlab Dojlar Vizantiya noibi vazifasini o’tagan deb taxmin qilinadi. Dojlar eng badavlat va katta ta’sirga ega oilalardan saylangan (odatda, umrbod). Genuyada esa 1528 yildan boshlab 2 yilga saylangan.