Kamikadze

Kamikadze (yaponcha ayni ma’nosi xudolar shamoli)-o’limiga rozi bo’lgan ko’ngilli yapon uchuvchisi, 2-jahon urushi davrida dushmanning kema, tank va boshqa ob’yektlariga qarshi safarbar qilingan. Kamikadzelaning dastlabki otryadlari 1944 yil 20 oktabrda tashkil etilgan. Ularning birinchi hujumi 1944 yil 21 oktabrda Avstraliya flotining og’ir kreyseri-“Avstraliya”ga uyushtirilgan. 2-jahon urushi oxiriga kelib yapon dengiz aviatsiyasi tomonidan 2525 nafar Kamikadze tayyorlangan, yana 1387 tasini armiya taqdim etgan. Yaponiyaliklar ma’lumoticha, Kamikadzelar hujumi natijasida 81 ta kema cho’ktirilgan, 195 tasi jiddiy shikastlangan. Amerikaliklar 34 ta kema cho’ktirilgani, 288 tasi shikastlangani haqida ma’lumot beradi.