Mirohur

Mirohur (forscha)-O’rta Osiyo xonliklarida mansabdor shaxs; saroy otxonalari boshlig’i. Buxoro amirligida Mirohur-hukmdorning eng yaqin kishilariga beriladigan to’rtinchi sharafli rutba. Mirohur saroy otboqarlariga yetakchilik qilishdan tashqari amir qaramini ehtiyotlash, u yerga oziq-ovqat, kiyim-kechak va hokazolar zarur narsalar keltirish bilan mashg’ul bo’lgan. Bobur, Ogahiy asarlarida Mirohurning harbiy yurishlarda ishtirok etib, muayyan qism va bo’linmalarga sarkardalik qilganligi haqida ma’lumot keltiriladi.