Vilgelm I Fotih

Vilgelm I Fotih (Willian the Conqueror) (1027/28, Falez, Frantsiya — 1087.9.9, Ruan) — ingliz qiroli (1066 yildan). Normandiya sulolasidan, Normandiya gersogi (1035 yildan). 1066 yilda normand, frantsuz va italyan feodallaridan tuzilgan qo’shin bilan Angliya qirg’oqlariga tushgan va Gastings shahri yaqinida qirol Garold II ning ingliz-sakson qo’shinlarini yengib, ingliz qiroli bo’lgan. Barcha feodallarni bevosita qirolga vassallik qaramligini o’rnatgan.